ដឹងអត់! ត្រឹម ១ខែ ចំណូលពីការចូលទស្សនាអង្គរ បានប៉ុន្មាន?
ក្នុងខែកក្កដា ឆ្នាំ២០១៧ ចំណូលដែលទទួលបានពីការលក់បណ្ណទស្សនារមណីយដ្ឋានអង្គរ គឺ ៨,២២លានដុល្លារ។ នេះបើតាមរបាយការណ៍របស់គ្រឹះស្ថានអង្គរ កាលពីថ្ងៃទី១ សីហា។ កាលពីខែមុន មានភ្ញៀវទេសចរ ទិញបណ្ណចូលទស្សនាអង្គរ មានចំនួន ១៨, ២៦ម៉ឺននាក់។ ចំណូលដែលទទួលបាន គឺបង់ចូលថវិកាជាតិ ចំនួន ៧, ៨៥លានដុល្លារ និងឧបត្ថម្ភមូលនិធិមន្ទីរពេទ្យគន្ធបុប្ផា ចំនួន ៣៦,៥២ម៉ឺនដុល្លារ។
គ្រឹះស្ថានអង្គរ ក៏បានឲ្យដឹងដែរថា ក្នុងរយៈពេល ៧ខែ ចំនួនភ្ញៀវបរទេសដែលមកទស្សនាអង្គរ មានប្រមាណ ១,៤១លាននាក់ កើនឡើង ១២,៣៤% ប្រៀបធៀបនឹងរយៈពេលដូចគ្នាកាលពីឆ្នាំ ២០១៦។ ក្នុងនោះ ចំណូលសរុបទទួលបាន ៦០,៣៩លានដុល្លារ កើនឡើង ៦៨,៣៣%៕
Post a Comment