Everton ទិញប្រធានក្រុមរងជើងឯក Europa League តម្លៃ២៣លានផោន

10:15 PM កីឡាអន្តរជាតិ

Everton បានបញ្ចប់ការផ្ទេរប្រធានក្រុម Davy Klaassen របស់ Ajax Amsterdam ក្នុងតម្លៃ២៣លានផោនលើកិច្ចសន្យា៥ឆ្នាំ។

ខ្សែបម្រើអន្តរជាតិហូឡង់ទំនងនឹងជំនួសកន្លែងរបស់ Ross Barkley ដែលមិនទាន់បន្តកិច្ចសន្យាថ្មីនៅ Goodison Park ហើយក៏អាចនឹងចាកចេញទៅកាន់ទ្រនំថ្មីផងដែរ។

Klaassen នេះជាការសម្រេចចិត្តយ៉ាងលំបាកដែលបានចាកចេញពី Ajax ជាក្លិបដែលគេលេងតាំងពីឆ្នាំ២០១១ តែថា នេះជាជំហានថ្មីមួយទៀត។

កីឡាករវ័យ២៤ឆ្នាំខាងលើ គឺជាសមាជិកថ្មីរបស់ Everton បន្ទាប់ក្រុមរហស្សនាមស្ករគ្រាប់ផ្ទេរយកអ្នកចាំទី Jordan Pickford ពី Sunderland ក្នុងតម្លៃ២៥លានផោន ដើម្បីពង្រឹងខ្លួនសម្រាប់យុទ្ធនាការ UEFA Europa League រដូវកាលក្រោយ៕