អស្ចារ្យណាស់! ផ្លាកលេខមាន QR Code កម្ពុជាបង្កើតឡើងដំបូងគេលើលោក

តាមការបញ្ជាក់របស់ក្រសួងសាធារណការ និងដឹកជញ្ជូនបានឲ្យដឹងថា ផ្លាកលេខរថយន្តថ្មីដែលបោះពុម្ពចាប់ពីខែកក្កដាទៅ នឹងមានអ៊ុតភ្ជាប់ QR Code ហើយត្រូវបានដាក់ឲ្យប្រើប្រាស់យ៉ាងហោចណាស់ ១៥០០រថយន្តហើយ។ ឯកឧត្តម ស៊ុន ចាន់ថុល បានមានប្រសាសន៍ថា ផ្លាកលេខទំនើបនេះ មានតែប្រទេសកម្ពុជាបង្កើតឡើងដំបូងគេ។

ប្រជាជនជាច្រើនមានការព្រួយបារម្ភពីសុវត្ថិភាព ខ្លាចចោរដឹងពីអាសយដ្ឋាន ប៉ុន្តែតាមការបញ្ជាក់របស់ក្រសួងបានឲ្យដឹងថា រាល់ព័ត៌មាននៅក្នុង QR code គ្មានបញ្ចូលអាសយដ្ឋានរបស់របស់ម្ចាស់យានយន្តនោះទេ។ ផ្លាកលេខថ្មីនេះ មានបញ្ចូលតែព័ត៌មានពាក់ព័ន្ធតែជាមួយយានយន្តប៉ុណ្ណោះ ដូចជា ប្រភេទរថយន្ត ប្រភេទម៉ាស៊ីន លេខសម្គាល់យានយន្ត ឆ្នាំផលិតជាដើម។

ឯកឧត្តមទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានប្រកាសឲ្យប្រើផ្លាកលេខមាន QR Code នេះកាលពីថ្ងៃទី១ ខែមិថុនាកន្លងទៅ។ គោលបំណងគឺដើម្បីបង្ការអ្នកបោកប្រាស់ប្រជាពលរដ្ឋ ដោយធ្វើផ្លាកលេខក្លែងក្លាយ ហើយសម្រួលអ្នកទិញតពីគ្នា ឲ្យដឹងព័ត៌មានច្បាស់ ចៀសវាងការបន្លំ។ ឯកឧត្តម ក៏បញ្ជាក់ដែរថា ផ្លាកលេខទំនើបនេះ កម្ពុជាជាអ្នកបង្កើតដំបូងគេ៕ ប្រភព៖ angkorpost