ផែ សុផាណា និង ស្រីស្អាត សាសា ខេត មានកូនមួយហើយ ទើបគិតគូរឿងរៀបការ

ជាមួយនឹងគូស្នេហ៍ស្គាល់ចិត្តថ្លើមគ្នាអស់រយៈពេលជាង ៤ ឆ្នាំ គឺស្រីស្អាត សាសា ខេត ដែលនឹងប្រព្រឹត្តទៅក្នុងពេលឆាប់ៗខាងមុខនេះ ។

យ៉ាងណាមិញ ការសម្រេចចិត្តដឹកដៃគ្នាចូលរោងជ័យរបស់គូស្នេហ៍ ដែលសុទ្ធសឹងតែជាតារាសម្ដែងទាំងពីរដួង លោក ផែ សុផាណា និង សាសា ខេត គឺបានធ្វើឡើង បន្ទាប់ពីពួកគេទទួលបានចំណងដៃកូនប្រុស ដ៏គួរឱ្យស្រឡាញ់ម្នាក់ ។

បើតាមតារាសម្ដែងរូបសង្ហា ផែ សុផាណា បានបង្ហើបឱ្យដឹងដែរថា ពិធីមង្គលការរបស់លោកនឹងរៀបចំឡើងយ៉ាងអធិកអធម ដោយមានការអញ្ជើញសិល្បករ សិល្បការិនីល្បីៗជាច្រើនដួង ចូលរួមឱ្យបានច្រើនកុះករផងដែរ ។

បើទោះបីជា គូស្នេហ៍សិល្បៈមួយគូនេះ ទទួលបានចំណងដៃកូនប្រុសម្នាក់មុនពិធីមង្គលការកើតឡើងក៏ពិតមែន ប៉ុន្ដែអ្នកទាំងពីរតែងតែបង្ហាញពីក្ដីស្រឡាញ់ចំពោះគ្នាទៅវិញទៅមក និង ថែរក្សាចំណងស្នេហ៍មួយនេះបានយ៉ាងល្អ រហូតឈានទៅដល់ថ្ងៃមង្គល ដូចក្ដីប្រាថ្នារបស់ពួកគេចង់បាន ៕