បានការងារធ្វើទាំងព្រឹក!!! ជិះចូលឡានហើយ ទារឲ្យសងគាត់ ៥០$ទៀត!!!មានវីដេអូ

បុរសវ័យចំណាស់ម្នាក់ជិះម៉ូតូទំនើប ១គ្រឿង ដោយពុំមានបំពាក់កញ្ចក់សំរាប់មើលក្រោយ និងសូម្បីតែមូកសុវត្ថិភាពខ្លួនឯងក៏គ្មាន មិនដឹងជាយ៉ាងម៉េចស្រាប់តែជិះរ៉េចូលរថយន្តតូច ១គ្រឿង និងដួលនៅចំពីមុខរថយន្តតែម្តង។ ហេតុការណ៍នេះ កើតឡើងកាលពីថ្ងៃទី០៦ ខែមិថុនា ឆ្នាំ២០១៧ វេលាម៉ោង១០ព្រឹក នៅត្រង់ចំណុចផ្លូវឆ្លងកាត់រទេះភ្លើង ម្តុំលក់ងាវ ត្រឡោកបែក។

យ៉ាងណាមិញ បើតាមទិដ្ឋភាពជាក់ស្តែងនៃវីដេអូដែលបង្ហោះឲ្យឃើញ ពីបងប្រុសមានអត្តចរិតស្លូតបូត និងចេះគួរសមម្នាក់ នៅលើហ្វេសប៊ុកផ្ទាល់ខ្លួនរបស់គាត់ឈ្មោះ Vannak Eng ដែលបែរជាស៊យត្រូវទទួលខុសចំពោះហេតុការណ៍នេះ។ នៅក្នុងវីដេអូនេះ យើងឃើញថា គ្រាន់តែការជិះគ្មានកញ្ចក់ និងមួកសុវត្ថិភាព គឺបុរសវ័យចំណាស់រូបនោះខុសបាត់ទៅហើយ ដោយមិនចាំបាច់វិនិច្ឆ័យពីការជិះមិនមើលឆ្វេង-ស្តាំ របស់គាត់នោះឡើយ ។
ពិតណាស់ បងប្រុសជាម្ចាស់រថយន្តរងការចោទប្រកាន់ ដែលគាត់បានបង្ហោះនៅលើគណនីហ្វេសប៊ុករបស់គាត់ថា៖
“បានការងារធ្វើទាំងព្រឹក!!! ជិះចូលឡានហើយ ទារឲ្យសងគាត់ ៥០$ ទៀត!!! ម៉ូតូមិនព្រមដាក់កញ្ចក់មើលក្រោយ ហើយរេមកចូលឡានអញ្ចឹង!!! នេះហេងហើយឡានតូច បើឡានធំវិញម៉េចទៅ អ៊ំហ្អើយអ៊ំ? តែមិនអីទេ ជូនអ៊ំ ៥០$ ទុកព្យាបាលជើង និងទិញកញ្ចក់មើលក្រោយ និងមួក ង់ៃក្រោយកុំជិះអញ្ចឹងទៀត!!!
———–
អ៊ុំគាត់ឌុបខ្នុរ ដោយសារគាត់ខ្លាចរលាក់ជ្រុះខ្នុររបស់គាត់ គាត់ជិះគិចគ្រលុក(ផ្លូវរទេះភ្លើង) ហើយរេមកចូលមុខឡាន តែមុខឡានក៏គ្រលុកដែរ ចឹងគាត់ចាប់ហ្វ្រាំង(បន្ថយល្បឿនតែមិនទៅមុខ) បានជាឡានប៉ះគូថម៉ូតូគាត់ហើយដូលបែបនេះ បើសិនជាល្បឿនរបស់គាត់នៅតែលឿនល្មម ប្រហែលមិនដួលទេ!!!”
សូមប្រិយមិត្តវិនិច្ឆ័យវីដេអូខាងក្រោមនេះទាំងអស់គ្នា តើឡានខុស ឬម៉ូតូត្រូវ?