កូនស្រីអ្នកមានហ៊ានចំណាយប្រាក់ ១៥ ម៉ឺនដុល្លារ ទៅបុរសម្នាក់កុំឱ្យតាមញ៉ែនាងបន្តទៀត !
នៅលើលោកនេះ គឺប្រាកដណាស់ថា
មានមនុស្សជាច្រើនតែងតែប្រាថ្នាចង់បានស្នេហាពិត និង ស្មោះស្ម័គ្រ
រស់នៅជាមួយគ្នាអស់មួយជីវិត ។ ជាក់ស្ដែងដូចជាបុរសម្នាក់ឈ្មោះ Kang
ជាអ្នករស់ នៅក្នុងទីក្រុងប៉េកាំង បានចំណាយពេលពេញ ១០
ឆ្នាំដើម្បីរង់ចាំស្នេហាពីនារីម្នាក់ឈ្មោះ Lee
ដែលជាស្នេហ៍ដំបូងរបស់លោក តាំងពីកុមារភាពមកម្ល៉េះ ។
ប៉ុន្តែផ្ទុយទៅវិញបុរសស្មោះស្នេហ៍ម្នាក់
នេះបានត្រឹមតែឱបក្ដីឈឺចាប់បំផុតនៅពេលបានស្ដាប់សម្ដី និង
ការមើលងាយពីសំណាក់នារីម្នាក់ នោះ ។
ប្រភពព័ត៌មានបានឱ្យដឹងថា កាលពីអតីតកាលលោក Kang និងនាង Lee
គឺជាមិត្តរួមថ្នាក់ជាមួយ គ្នា ហើយក្នុងគ្រានោះ Kang
បានបាក់ចិត្តស្រឡាញ់នាង Lee តែម្នាក់ឯង និង បានប្រាកដក្នុងចិត្ត ថា
ថ្ងៃណាមួយ អំពើល្អរបស់ខ្លួនពិតជាអាអន្ទងបេះដូងរបស់នាង Lee
ជាក់ជាមិនខាន ។ មកទល់ ពេលនេះ មានរយៈពេល ១០ ឆ្នាំទៅហើយដែលលោក Kang
នៅតែរក្សាចិត្តស្មោះរង់ចាំចម្លើយ ស្នេហាពីនាង Lee
រហូតសុំនាងទាក់ទងគ្នាថែមទៀតផង ប៉ុន្តែផ្ទុយទៅវិញលោក Kang បានត្រឹម
តែស្ដាប់ចម្លើយបដិសេធរបស់នាង Lee ប៉ុណ្ណោះ ។
ទោះជាយ៉ាងនេះក្ដី បុរសចិត្តស្មោះខាងលើនេះ នៅតែបន្តធ្វើមុខក្រាស តាមយកចិត្តនាង Lee រហូតដល់ថ្នាក់នាងបានចាត់ទុកលោកថា ជាមនុស្សតាមរំខានជីវិតរបស់នាង ហើយណាមួយនាង ត្រូវបានមនុស្សជាច្រើនយល់ច្រឡំថា ជាមិត្តស្រីរបស់លោក Kang ទៀតផង ដែលជាហេតុធ្វើឱ្យ នាងកាន់តែមានអារម្មណ៍មិនល្អថែមទៀត ។
ថ្ងៃមួយដោយសារតែលោក Kang ស្រឡាញ់នាង Lee ខ្លាំងពេក ទើបគេបានធ្វើកម្មពិធីភ្ញាក់ផ្អើលមួយ គឺអានលិខិតស្នេហារបស់គេជូនទៅនាង Lee ទាំងកណ្ដាលហ្វូងមនុស្ស ដែលទង្វើនេះកាន់តែ ធ្វើឱ្យនាង Lee ខ្មាសគេខ្លាំងឡើងៗ រហូតទប់គំហឹងមិនបានក៏ស្ទុះទៅទះកំផ្លៀងលោក Kang ហើយដើរចេញបាត់ទៅ ។
ទោះជាយ៉ាងនេះក្ដីលោក Kang នៅតែមិនចុះចាញ់ចំពោះភាពរឹងរូសរបស់នាង Lee ឡើយ ហើយគេនៅតែបន្តធ្វើខ្លួនជាប្រុសមុខក្រាស់ដដែល រហូតថ្ងៃមួយនាង Lee សម្រេចចិត្តផ្ដល់លុយចំនួន ១៥០.០០០ ដុល្លារដោយធ្វើយ៉ាងណាឱ្យចាកចេញពីជីវិតរបស់នាង ហើយពេលនោះលោក Kang ក៏បានសន្យាថា នឹងមិនរំខាននាងទៀតឡើយ ហើយថែមទាំងបានធ្វើលិខិស្នាមទៀតផង ។
មិនបានប៉ុន្មានផងពោលគឺនៅក្នុងថ្ងៃដដែលនោះ លោក Kang ក៏បានសុំជួបនាង Lee ម្ដងទៀត ហើយបានប្រគល់លុយ និង ហែកកិច្ចសន្យាចោល ដោយលោកនិយាយថា មិនអាចរស់នៅគ្មាន នាង Lee បានទេ លុយមិនអាចទិញទឹកចិត្តលោកបានឡើយ ។ ដោយសារតែទង្វើរបស់លោក Kang ដូចនេះទើបធ្វើឱ្យនាង Lee ទាល់តម្រិះបានត្រឹមតែស្រែកយំ ហើយបន្ទាប់មកទៀតនាង ក៏បានទៅប្ដឹងសមត្ថកិច្ចឱ្យចាប់ខ្លួនលោក Kang តែម្ដងពីបទតាមរំ ខាន ។ ពេលនោះហើយ ដែលលោក Kang ព្រមចុះចាញ់ ដោយបានសន្យាថា នឹងចាកចេញពី នាង Lee រហូត ហើយក៏បានសុំទោសរាល់ទង្វើរបស់ខ្លួន ដែលតែងតែធ្វើដាក់នាងកន្លងមកផងដែរ ៕ ម៉ានី (ប្រភព៖ ដឹខូវឺរ៉េក)
Post a Comment