ថ្ងៃ​នេះ ភ្នំពេញ​ក្រោន​ប៉ះ​ក្រុម​ទើប​ធ្លាក់​ពី​លីគ​កំពូល​ថៃ Army United នៅ​ចិន​

ក្លិប​​ភ្នំពេញ​ក្រោន​​នឹង​បន្ត​ការប្រកួត​បាល់ទាត់​​មិត្ត​ភាព​អន្តរជាតិ​កម្មវិធី China-ASEAN Invitational Tournament នៅ​ខេត្ត​ណាននីង ប្រទេស​ចិន​ ទល់​​នឹង​ក្រុម​ Army United ​របស់​ថៃ​ នៅ​រសៀល​ថ្ងៃ​អង្គារ ទី​២០ ខែ​ធ្នូ​នេះ ​វេលា​ម៉ោង​៤​ល្ងាច ត្រូវ​នឹង​ម៉ោង​២​រសៀល​ម៉ោង​នៅ​កម្ពុជា។

ក្រុម​ជើង​ឯក​លីគ​កំពូល​កម្ពុជា​៦សម័យ​បើក​ឆាក​ការប្រកួត​កម្មវិធី​នេះ ដោយ​ចាញ់​ម្ចាស់ផ្ទះ Guangxi Longguida កាល​ពីថ្ងៃអាទិត្យ​កន្លងទៅ​ ស្រប​ពេល​ Army United ចាញ់​ក្រុម​វៀតណាម Nam Dinh FC របស់​វៀតណាម​មក​ពី​ក្របខណ្ឌ V-League 2។

ដោយឡែក កាល​ពី​ថ្ងៃចន្ទ សមាជិក​ក្លិប​ភ្នំពេញ​ក្រោន​បាន​​ចូលរួម​ចែក​រំលែក​បទ​ពិសោធ​​បាល់​ទាត់​​ដល់​សិស្ស​សាលា​មួយ​កន្លែង​ដែល​ជាផ្នែក​មួយ​នៃ​អនុស្សា​រណៈ​​យោគយល់​​ជាមួយ​នឹង​ក្លិប Guangxi Longguida​។

គួរ​បញ្ជាក់​ថា Army United ​ត្រូវ​បាន​កាត់​ចេញ​ពី​​ក្រប​ខណ្ឌ​លីគ​កំពូល​ថៃនៅ​ដំណាច់​រដូវកាល​ ២០១៦​។

អត្ថបទ ៖ អភ័យវង្ស

ប្រភព កីឡាដេលី