ហួសចិត្តហ្មង! នារីម្នាក់ អារសោទ្វារបន្ទប់ជួល លួចខោខ្លីបុរស ពណ៌ត្រេអ៊ី ចំនួន១
បើតាមនគរបាលប៉ុស្តិ៍ព្រៃសបានអោយដឹងថា នារីជាជនង្ស័យមានឈ្មោះសី អាលី ហៅពៅ ភេទស្រី អាយុ២០ឆ្នាំ មុខរបរកម្មការិនីរោងចក្រ ទីលំនៅភូមិខ្វិត សង្កាត់សាក់សំពៅ ខណ្ឌដង្កោ ។ ចំណែកជនរងគ្រោះ មានឈ្មោះមឿន សារិ ភេទប្រុស អាយុ៣០ឆ្នាំ មុខរបរកម្មកររោងចក្រ ទីលំនៅភូមិពាម សង្កាត់ព្រៃស ខណ្ឌដង្កោ ។
បើតាមសម្ដីពីជនរងគ្រោះបានឲ្យដឹងថា មុនពេលកើតហេតុ រូបគេបានចាក់សោទ្វារបន្ទប់ ហើយទៅធ្វើការដូចសព្វដង ស្រាប់តែមាននារីជាជនសង្ស័យបានជិះម៉ូតូ០១គ្រឿង ម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៦ ពាក់ស្លាកលេខភ្នំពេញ 1DH-7530 មកធ្វើសកម្មភាព ប្រើផ្លែរណាអារដែក អារកាត់មេសោរទ្វារផ្ទះរបស់គេ រួចបានចូលទៅក្នុងផ្ទះរបស់ជនរងគ្រោះ រើកកាយសម្ភារលួចយកបានខោខ្លីមនុស្សប្រុស ពណ៌ត្រេអ៊ី ចំនួន១ ហើយឡើងជិះបម្រុងគេចខ្លួន ពេលនោះក៏មានអ្នកជិតខាងបានឃើញ និងបានទូរស័ព្ទទៅប្រាប់រូបគេ ពេលដែលគេមកដល់ ក៏បានឃើញសកម្មភាពនេះ ក៏បានរាយការណ៍ប្រាប់សមត្ថកិច្ចប៉ុស្តិ៍នគរបាលរដ្ឋបាលព្រៃស ឲ្យជួយអន្តរាគមន៍នាំខ្លួនជនសង្ស័យមកសួរនាំនូវប៉ុស្តិ៍នគរបាលព្រៃស តែម្តង ។
បច្ចុប្បន្ននារីជាជនសង្ស័យ និងវត្ថុតាងត្រូវបានសមត្ថកិច្ចកំពុងតែសាកសួរនៅអធិការខណ្ឌដង្កោ និងកសាងសំណូមរឿងបញ្ចូនទៅលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ៕
Post a Comment