យប់មុិញ! បុរសម្នាក់ខឹងគេបើកឡានគៀមានអីដកកាំភ្លើងដេញបាញ់ផ្អើក្រុងភ្នំពេញ!
បុរសម្នាក់ត្រូវបានសមត្ថកិច្ចមូលដ្ឋានឃាត់ខ្លួនក្រោយធ្វើសកម្មភាពដេញបាញ់រថយន្តក្រុង១គ្រឿងបង្កឲ្យមានការភ្ញាក់ផ្អើលកាលពីម៉ោងប្រមាណ៩យប់ថ្ងៃទី១៦ ខែសីហា ឆ្នាំ២០១៧ នៅតាមបណ្ដាយផ្លូវ៥៩៨ មុខដីឧកញ៉ា លី ហួរ ស្ថិតក្នុងសង្កាត់ទួលសង្កែ ខណ្ឌប្ញស្សីកែវ រាជធានីភ្នំពេញ ។
បើតាមសមត្ថកិច្ចជនដែលត្រូវឃាត់ខ្លួនឈ្មោះ អេង កុសល អាយុ៣៧ឆ្នាំ ជាអង្គរក្សនៅបន្ទាយវរៈ៤៩៩ បច្ចុប្បន្នស្នាក់នៅផ្ទះលេខដេ២៤ ផ្លូវលេខ២ ភូមិក្រោលគោ សង្កាត់គីឡូម៉ែត្រលេខ៦ ខណ្ឌប្ញស្សីកែវ ។
មុនពេលកើតហេតុ មានរថយន្ដក្រុង១គ្រឿងរបស់ក្រុមហ៊ុន «បូព៌ាអាស៊ីដឹកអ្នកដំណើរ» បានបើកទៅកៀររថយន្តម៉ាកព្រូសរបស់ជនដែលត្រូវឃាត់ខ្លួន(អង្គរក្ស) ។
សេចក្តីរាយការណ៍បានបន្តថា ក្រោយប៉ះបើកនោះរួចមករថយន្តក្រុងនោះមិនបានឈប់ដោះស្រាយទេ ដោយបើកបន្តដំណើរទៅមុខទៀត ទើបធ្វើឲ្យម្ចាស់រថយន្ដព្រូសខឹងបើកដេញតាមហើយដកកាំភ្លើងម៉ាកឡុក(Glock)បាញ់ប្រហារពីក្រោយតែម្ដង ប៉ុន្ដែមិនមានមនុស្សអ្នកណាម្នាក់រងរបួសនោះទេ ។
ក្រោយហេតុការណ៍សមត្ថកិច្ចបានទៅដល់កន្លែងកើតហេតុ រួចឃាត់ខ្លួនឈ្មោះ អេង កុសល និងវត្ថុតាងបញ្ជូនមកអធិការនគរបាលខណ្ឌប្ញស្សីកែវ រង់ចាំចាត់ការបន្តតាមច្បាប់នៅព្រឹកថ្ងៃទី១៧ ខែសីហានេះ ៕
Post a Comment