អ៊ឹម ជីវ៉ា ចេញសារទៅ ធី សុវណ្ណថា វិញ ធ្វើឲ្យអ្នកគាំទ្រពេញចិត្តស្ដូកតែម្ដង
_ រឿងទីមួយ គឺរឿងបើក្លាយជាតារាល្បី កុំកើតជំងឺបូសក្លៀក ឬជំងឺតួឯក
_ រឿងទី២ គឺ រឿងប្ដឹង៖ ព្រោះក្មួយចូលសម្ដែងឆៅៗចឹង….
ក្មួយប្រហែលជាអៀនឫកាយវិការខ្លះនៅឆ្គង អ្នកដឹងនាំរឿងខ្លះគាត់មានសំដីអាក្រក់តិចពេលតួមិនសូវចេះសម្ដែង គាត់តែងតែស្ដីអោយហើយ តែបើអ្នកដឹកនាំរឿងស្ដីអោយក្មួយរាងអាក្រក់បន្តិច ហាមដាច់ខាតក្មួយកុំឆេវឆាវ កុំតបតពួកគាត់វិញ ជាពិសេសកុំអន់ចិត្តរហូតដល់ប្ដឹងគាត់ណា ព្រោះគាត់ជាចាស់ទុំជាព្រឹទ្ធាចារ្យ ខុសត្រូវអីត្រូវអធ្យាស្រ័យពួកគាត់ ! បើទស្សនិកជនរិះគន់ក្មួយក្នុងន័យស្ថាបនា ក្មួយត្រូវទទួលយកការពិត កុំប្ដឹងគេក្មួយ។
បើចង់ក្លាយជាអ្នកដឹកនាំ ឬជាមនុស្សល្បីដោយកិត្តិយសក្នុងសង្គម ក្មួយត្រូវប្រកាន់ចិត្តអោយធ្ងន់ មិនឆេវឆាវ មិនងាយជឿតាមការផ្លុំត្រចៀករបស់អ្នកដទៃ ឬអ្នកនៅក្បែរខ្លួនក្មួយខ្លាំងពេកនោះទេ ។
ពាក្យខាងលើនេះគ្រាន់តែជាពាក្យមួយដែលក្មួយត្រូវពិចារណា បើត្រូវក្មួយយកចុះ តែបើគិតថាខុសក្មួយបោះវាចោល។ សរុបសេចក្ដីមក បើក្មួយចង់ក្លាយជាតារាពិតប្រាកដ ពូគាំទ្រ ១០០% តែប្រហែលក្មួយគ្រាន់តែនិយាយតាមបែបសិល្បៈតាមសំដីដែលក្មួយធ្លាប់និយាយមកកាន់ពូនោះទេ ព្រោះក្មួយមិនត្រូវការលុយកាក់ដែលថតក្រោមកម្ដៅថ្ងៃដូចពូទេ ព្រោះក្មួយមានឡានទំនើបជិះហើយ និងលុយហើយ ចំណែកពូវិញរៀនចប់បរិញ្ញាបត្រសាលាវិចិត្រសិល្បៈ ចូលសិល្បៈជាង ១០ ឆ្នាំហើយជិះតែឡានឆ្លាមកញ្ចាស់ទៅមុខមិនរួចផង ផ្ទះក៏ជួលគេទៀត ។
តែរាល់ថ្ងៃពូអន់ចិត្តខ្លួនឯងបន្តិច ពូខំធ្វើដើម្បីសង្គមស្ទើរស្លាប់ខ្លួនតែគ្មានអ្នកមើលឃើញសោះ សូម្បីតែពាក្យសរសើរ ឬមេដៃសំរឹទ្ធមួយក៏គ្មាន ហើយបើនិយាយពីតួនាទីការងារក្នុងស្ថាប័នណាមួយក៏គ្មានផង តែក្មួយជាក្មេងស្រីមកក្រោយពូទេ តែក្មួយស្រីមានសមត្ថភាព មានកេរ្តិ៍ឈ្មោះកិត្តិយស និងមេដៃ ពូសូមកោតសរសើរសមត្ថភាពរបស់ក្មួយ ! ពូនិយាយនេះមិនមែនមានន័យចង់បានអ្វី , ដៀមដាម ឬប៉ះពាល់អ្នកណានោះទេ តែជាអារម្មណ៍ដែលតូចចិត្តចំពោះជីវិតខ្លួនរបស់ពូ…. ។
ហ៊ឺ…. តែមិនអីទេរស់នៅក្រោមមេឃតែមួយ តែវាសនាខុសគ្នា ! កុំប្រកាន់ខឹងពូអីណាក្មួយ ធី សុវណ្ណថា ព្រោះពូជាមនុស្សចូលចិត្តនិយាយត្រង់ ទទួលយកការរាប់អានពីពូផង។
ដោយក្ដីគោរពពីពូ៖ អ៊ឹម ជីវ៉ា”។ ដែលគ្រាន់តែសារនេះចេញភ្លាមមានអ្នក share និង comment គាំទ្រលោកយ៉ាងច្រើនកុះករ៕
Post a Comment