Man City មានសង្ឃឹមកាន់តែខ្លាំងក្នុងការផ្ទេរ Sanchez

ក្លឹប Man City មានទំនុកចិត្តកាន់តែខ្លាំងឡើង​ថា ពួកគេនឹងអាច​សម្រេច​កិច្ចព្រមព្រៀងផ្ទេរខ្សែ

ប្រយុទ្ធ Alexis Sanchez ពី Arsenal ក្នុងតម្លៃរហូតដល់​៥០លាន​ផោន។ City ត្រៀម​សាកចិត្តរបស់

ក្លឹប Arsenal ជុំវិញការរក្សាទុក​ខ្សែប្រយុទ្ធរូប​នេះ​​ដែលនៅសល់កិច្ចសន្យាត្រឹមមួយឆ្នាំទៀត។ ក្លឹប​ Arsenal ​បាន​ត្រៀមផ្តល់កិច្ច​សន្យាថ្មីដល់កីឡាករដែលរកបាន៣០​គ្រាប់កាលពីរដូវកាល​មុនរុបនេះ ហើយ​បាន​អះអាងថា ពួកគេគ្មានបំណងឲ្យកីឡាករ​រូបនេះចាកចេញនៅរដូវក្តៅ​នេះទេ។  ប៉ុន្តែអ្នកចាត់ការក្រុម Man City លោក Pep Guardiola បានចាត់ទុក​ Sanchez គឺជា​គោលដៅ​ផ្ទេរចម្បងហើយ​នាយកក្លឹបនៅ Etihad ជឿថា នឹងអាច​ទទួលបាន​ខ្សែប្រយុទ្ធឆ្នើម​រូបនេះខណ:

ពេលក្លឹប Chelsea និង Bayern Munich ក៏កំពុង​ចាប់អារម្មណ៍​ផងដែរនោះ។

          ទោះបីជាយ៉ាងណាគេជឿថា City ត្រូវរង់ចាំរហូតដល់​ចប់ការប្រកួត​ Confederations Cup សិន មុននឹងដាក់សំណើផ្លូវការ​សម្រាប់ខ្សែប្រយុទ្ធ​ដែល​រកបាន៧២គ្រាប់ និង​បង្កើតឱកាស៣៧

លើកក្នុងការបង្ហាញមុខ១៤៥​ប្រកួតសម្រាប់​ក្រុម​កាំភ្លើងធំ​​ Arsenal រូបនេះ៕