មើលទៅក្លឹប Real Madrid គ្មានសង្ឃឹមក្នុងការដណ្តើមជើងឯកជាមួយនឹងក្លឹប Barcelona ទេ!

ថ្មីៗនេះ ក្លឹប Real Madrid បានត្រឹមប្រកួតបានស្មើរជាមួយនឹងក្លឹប Valencia នៅក្នុងលទ្ធផល 2-2 ខណៈពេលដែលកីឡាករ Cristiano Ronaldo បានបាត់បង់ឱកាសក្នុងការស៊ុតបាល់បេណាល់ទី (មិនចូល) ដែលធ្វើឲ្យក្លឹបនេះបាត់បង់ក្តីស្រម៉ៃក្នុងការដណ្តើមពានរង្វាន់ ជាមួយនឹងក្លឹប Barcelona នោះ។

សម្រាប់ការប្រកួតក្នុងតង់ទី 1 ក្លឹប Valencia បាននាំមុខមុននៅក្នុងលទ្ធផល 2-0 ដែលគ្រាប់បាល់នេះបានមកពីកីឡាករ Alcacer Garcia នៅនាទីទី 19 និងកីឡាករ Fuego Martinez នៅនាទីទី 26 ។ ចូលមកដល់តង់ទី 2 ក្លឹប Real Madrid បានតាមបានពីរគ្រាប់មកវិញដែលគ្រាប់ទីមួយរកបានដោយកីឡាករ Pepe នៅនាទីទី 56 និងគ្រាប់ទីពីររកបានដោយកីឡាករ Isco នៅនាទីទី 84 ។

អ្វីដែលលំបាកទៀតនោះសម្រាប់ក្លឹប Real Madrid គឺថាក្លឹបនេះនៅសល់តែពីរប្រកួទទៀតប៉ុណ្ណោះ ហើយពិបាកតាមជាមួយនឹងក្លឹប Barcelona ណាស់ព្រោះក្លឹប Barcelona នាំមុខដល់ទៅ 4 ពិន្ទុនៅ La Liga ។ យ៉ាងណាមិញ សម្រាប់ 6 ប្រកួតចុងក្រោយរបស់ក្លឹប Real Madrid នៅក្នុង League គឺឈ្នះបានតែមួយប្រកួតតែប៉ុណ្ណោះ៕