Pedro អាចនឹងចាកចេញពី Barcelona រដូវកាលក្រោយ

កីឡាករ Pedro បានផ្តល់ដំណឹងដល់ក្រុម Liverpool អោយបន្តតាមផ្ទេរយករូបគាត់នៅពេលដែលគាត់សារភាពថាគាត់អាចនឹង ចាកចេញពីក្លឹប Barcelona នៅរដូវកាលក្រោយ។

អនាគតរបស់ខ្សែបំរើរូបនេះស្ថិតក្នុងភាពមិនច្បាស់លាស់ក្នុងពេល ថ្មីៗនេះ និងត្រូវបានសារពត៌មានរាយការណ៍ថាគាត់គឺជាគោលដៅក្រុម Liverpool និង Arsenal ។
កីឡាករវ័យ២៧ឆ្នាំនេះបាននៅជាមួយ Barcelona ជាង១១ឆ្នាំហើយ ប៉ុន្តែចូលលេងជំរើសដំបូងអោយក្លឹបបានត្រឹមតែ១០ប្រកួតនៅរដូវកាល នេះ។

Pedro បានបញ្ជាក់ថា៖ ខ្ញុំមិនដឹងទេថាតើខ្ញុំនឹងនៅជាមួយ Barcelona តទៀតឬអត់។ ពេលនះ ខ្ញុំរីករាយជាមួយក្លឹប ប៉ុន្តែខ្ញុំមិនអាចដឹងបានទេថាមានអ្វីកើតឡើងថ្ងៃស្អែក។ ចិត្តរបស់ខ្ញុំនៅជាមួយក្លឹបរហូតដល់ចប់រដូវកាល។
តំលៃខ្លួនរបស់ Pedro នៅក្នុងក្លឹប Barcelona ប្រហែលប្រមាណ២៥លានផោន ហើយកុងត្រារបស់គាត់នឹងផុតនៅរដូវក្តៅ២០១៦។