កីឡាករ Chris Gunter និយាយថា “Wales ត្រូវដើរទៅមុខជាមួយផ្លូវវែងឆ្ងាយទៀត!”

9:30 AM កីឡាអន្តរជាតិ

ថ្មីៗនេះ កីឡាករ Chris Gunter បានព្រមានទៅដល់ក្រុមជម្រើសជាតិ Wales ឲ្យត្រៀមខ្លួនរួចរាល់ជានិច្ចបន្ទាប់ពីក្រុមជម្រើសជាតិនេះយកឈ្នះ Israel នៅក្នុងលទ្ធផល 3-0 នោះ។ ពេលនេះ ក្រុមជម្រើសជាតិ Wales បានស្ថិតនៅកំពូលតារាងរបស់ Group B នៅ Euro 2016 ដែលនៅសល់ការប្រកួត 5 ប្រកួតទៀត។

កីឡាករ Gunter ដែលមានវ័យ 25 ឆ្នាំបាននិយាយថា ជោគជ័យនេះគឺធ្វើយ៉ាងណាឡើងទៅដល់វគ្គផ្តាច់ព្រ័ត្រ World Cup ឆ្នាំ 1958 អញ្ជឹងដែរ។ “យើងមានឱកាស ប៉ុន្តែយើងនៅមិនទាន់បានឆក់វាបាននៅឡើយនោះទេ។”

គួរបញ្ជាក់ផងដែរថា Wales ធ្លាប់បានប្រកួតឈ្នះ 5 លើកជាប់គ្នាជាលើកតំបូងនៅក្នុងឆ្នាំ 1976 ។ Gunter បានបន្ថែមថា “យើងត្រូវតែប្រុងប្រយ័ត្នជានិច្ច វាពិតជាងាយស្រួលបន្ទាប់ពីឈ្នះការប្រកួតនេះ ប៉ុន្តែយើងដើរទើបតែបានពាក់កណ្តាលផ្លូវនៅឡើយទេ។ យើងត្រូវតែប្រាកដថា សម្រាប់ការប្រកួតបន្ទាប់យើងត្រូវតែដើរទៅមុខជានិច្ច។”

ការប្រកួតរបស់ក្រុមជម្រើសជាតិ Wales ទាំង 5 ប្រកួតរួមមានៈ • ថ្ងៃទី 12 មិថុនា 2015 ប្រកួតក្នុងទឹកដីជាមួយ Belgium
• ថ្ងៃទី 3 កញ្ញា 2015 ប្រកួតក្រៅទឹកដីជាមួយ Cyprus
• ថ្ងៃទី 6 កញ្ញា 2015 ប្រកួតក្នុងទឹកដីជាមួយ Israel
• ថ្ងៃទី 10 តុលា 2015 ប្រកួតក្រៅទឹកដីជាមួយ Bosnia-Hercegovina
• ថ្ងៃទី 13 តុលា 2015 ប្រកួតក្នុងទឹកដីជាមួយ Andorra