Sampdoria សង្ឃឹមផ្ទេរបាន Eto’o ពី Everton នៅថ្ងៃនេះ
ក្លិបអ៊ីតាលី Sampdoria សង្ឃឹមថា នឹងបញ្ចប់កិច្ចសន្យាផ្ទេរកីឡាករ Samuel Eto’o ពីក្លិប Everton នៅថ្ងៃអង្គារនេះ ខណៈដែលកីឡាករនេះ ដែលទើបនឹងផ្ទេរមកលេងនៅ Everton ត្រឹមតែ ៥ខែពីក្លិបតោខៀវ Chelsea នឹងត្រូវមានកិច្ចសន្យាលេង ១៨ខែ។
នាយកផ្នែកកីឡា លោក Carlo Osti បានប្រាប់ទូរទស្សន៍ក្នុងស្រុកប្រទេសអ៊ីតាលីថា « Eto’o នឹងត្រូវមកលេងនៅ Genoa នេះនៅថ្ងៃអង្គារ»។
កីឡាករវ័យ ៣៣ឆ្នាំនេះ ត្រូវបានគេរាយការណ៍ដែរថា ប្រាក់បៀវត្សរ៍របស់គេនឹងត្រូវថយចុះ ៤០% ដើម្បីអាចត្រលប់ទៅលេងក្នុងលីក Serie A វិញ។
លោក Osti បានបន្តថា «ក្លិបក៏កំពុងទិញយកខ្សែប្រយុទ្ធ កូឡុំប៊ី Luis Muriel និងខ្សែការពារអ៊ីតាលី Andrea Coda ពីក្លិប Udinese ផងដែរ ដែលកីឡាករទាំងពីរនឹងមកលេង នៅសប្តាហ៍នេះ។
Sampdoria ក្រោមការដឹកនាំរបស់លោក Sinisa Mihajlovic កំពុងហក់ឡើងខ្ពស់ ក្នុងលីក Serie A ដែលបច្ចុប្បន្នកំពុងឈរនៅលំដាប់លេខ ៤ មាន៣៣ពិន្ទុ តាមពីក្រោម Napoli ដែលកំពុងឈរនៅលេខបី ខណៈដែល Roma លេខពីរ និង Juventus ឈរលើកំពូលតារាង។
Post a Comment