កូតឌីវ័រ និងកាមេរូន ចាប់ផ្តើមប្រជែងដណ្តើមពាន Cup of Nations រាត្រីនេះ
ក្រុមបាល់ទាត់ជម្រើសជាតិកូតឌីវ័រ នឹងចាប់ផ្តើមការប្រជែងដណ្តើមពាន Africa Cup of Nations នៅរាត្រីថ្ងៃអង្គារ នៅពេលដែលពួកគេជួបប្រកួតជាមួយនឹងក្រុមស្ថិតនៅអាហ្វ្រិកខាងលិចដូចគ្នា ហ្គីណេ ក្នុងការប្រកួតពូ D នៅទីក្រុង Malabo នៅមុនពេលក្រុមបាល់ទាត់ជម្រើសជាតិកាមេរូន ត្រូវប្រកួតជាមួយនឹងក្រុមជម្រើសជាតិម៉ាលី។ កូតឌីវ័រ មិនធ្លាប់បានឈ្នះពានរង្វាន់ប្រចាំទ្វីបនេះទាល់តែសោះបើគិតចាប់តាំងពីឆ្នាំ១៩៩២ បើទោះបីពួកគេបានរងបរាជ័យដ៏ខកចិត្តដោយការកាត់សេចក្តីដោយការស៊ុតបាល់ប៉េណាល់ទីក្នុងការប្រកួតវគ្គផ្តាច់ព្រ័ត្រកាលពីឆ្នាំ២០០៦ និងឆ្នាំ២០១២ក៏ដោយ ខណៈដែលការបរាជ័យក្រោយមកទៀតគឺក្រោមស្នាដៃក្រុមបាល់ទាត់ជម្រើសជាតិហ្សំប៊ី ដែលជាអតីតក្រុមរបស់លោក Herve Renard។
ប៉ុន្តែ នៅពេលនេះ គ្រូបង្វឹកសញ្ជាតិបារាំងរូបនេះ គឺជាអ្នកដែលត្រូវទទួលខុសត្រូវក្នុងការងារនេះដើម្បីដឹកនាំឲ្យក្រុមបាល់ទាត់ជម្រើសជាតិកូតឌីវ័រទទួលបានជ័យជម្នះក្នុងប្រទេសហ្គីណេអេក្វាទ័រ។ ក្រុមរបស់លោកមិនបានបង្ហាញពីទម្រង់លេងដ៏គួរឲ្យចាប់អារម្មណ៍ក្នុងការប្រកួតវគ្គជម្រុះឡើយ ក្រោយពីបានបញ្ចប់ក្នុងចំណាត់ថ្នាក់លេខ២ក្នុងពូលរបស់ពួកគេបន្ទាប់ពីក្រុមជម្រើសជាតិកាមេរូន ហើយលោក Renard បានបញ្ជាក់ថា ពួកគេមិនអាចត្រូវបានចាត់ទុកថា ជាក្រុមមានសង្ឃឹមច្រើនក្នុងការឈ្នះពានរង្វាន់ Cup of Nations លើកទី៣០នេះឡើយ ជាពិសេសចាប់តាំងពីការចូលនិវត្តន៍របស់ខ្សែប្រយុទ្ធដ៏ឆ្នើម Didier Drogba។ ប៉ុន្តែ ទោះបីជាយ៉ាងណា ក្រុមជម្រើសជាតិកូតឌីវ័រ នៅតែប្រជុំដោយកីឡាករឆ្នើមក្នុងយុទ្ធនាការនេះ ដូចជា Serge Aurier, Kolo Toure, Gervinho, Seydou Doumbia និងខ្សែប្រយុទ្ធ Wilfried Bony ជាដើម។ ស្របពេលជាមួយគ្នានេះ ខ្សែបម្រើ Yaya Toure ដែលជាមិត្តរួមក្រុម Man City របស់ Bony និងដែលបានឈ្នះពានរង្វាន់កីឡាករឆ្នើមប្រចាំទ្វីបអាហ្វ្រិកចំនួន៤លើក ក៏ជាតារាឆ្នើមគួរឲ្យចាប់អារម្មណ៍ក្នុងក្រុមកូតឌីវ័រផងដែរ។
កីឡាកររូបនេះមិនបានចូលហ្វឹកហាត់ជាមួយនឹងមិត្តរួមក្រុមរបស់គេឡើយក្នុងទីក្រុង Malabo កាលពីថ្ងៃអាទិត្យ បើទោះបីលោក Renard បានបញ្ជាក់ថា លោកចង់ធ្វើឲ្យកីឡាករវ័យ៣១ឆ្នាំរូបនេះមានភាពរឹងមាំតាមដែលអាច ក្រោយពីការបំពេញការតព្វកិច្ចដ៏មមាញឹកសម្រាប់ក្លិបរបស់គេក៏ដោយ។ ដោយឡែក ក្រុមជម្រើសជាតិកាមេរូនរបស់លោក Volker Finke បានធ្វើការស្រោចស្រង់ពីការខកចិត្តក្នុងយុទ្ធនាការ World Cup នៅប្រេស៊ីល និងនៅតែជាគូប្រជែងដែលត្រូវឈ្នះពាន បើទោះបីខ្សែប្រយុទ្ធ Samuel Eto’o ចូលនិវត្តន៍ក៏ដោយ។ ប៉ុន្តែ ពួកគេនឹងអវត្តមានប្រធានក្រុម Stephane Mbia ដោយសារតែការជាប់ពិន័យព្យួរ ក្រោយពីទទួលបានកាតក្រហមនៅពេលប្រកួតជាមួយនឹងកូតឌីវ័រកាលពីខែវិច្ឆិកា។ កូតឌីវ័រ និងហ្គីណេ ធ្លាប់ជួបគ្នា៥លើក បើគិតចាប់តាំងពីឆ្នាំ២០០៨ ខណៈដែលកូតឌីវ័រ បានឈ្នះ៤លើក និងស្មើ១លើក ហើយការជួបគ្នាចុងក្រោយរវាងពួកគេកាលពីឆ្នាំ២០១២ បានបញ្ចប់ក្នុងលទ្ធផលស្មើ ០-០។ ដោយឡែក ក្រុមកាមេរូន បានយកឈ្នះលើម៉ាលីទាំងពីរលើកសម្រាប់ការជួបគ្នា២លើកចុងក្រោយចាប់តាំងពីឆ្នាំ២០០២ ហើយការជួបគ្នាលើកចុងក្រោយកាលពីឆ្នាំ២០១១ កាមេរូន បានយកឈ្នះ ១-០៕
ប៉ុន្តែ នៅពេលនេះ គ្រូបង្វឹកសញ្ជាតិបារាំងរូបនេះ គឺជាអ្នកដែលត្រូវទទួលខុសត្រូវក្នុងការងារនេះដើម្បីដឹកនាំឲ្យក្រុមបាល់ទាត់ជម្រើសជាតិកូតឌីវ័រទទួលបានជ័យជម្នះក្នុងប្រទេសហ្គីណេអេក្វាទ័រ។ ក្រុមរបស់លោកមិនបានបង្ហាញពីទម្រង់លេងដ៏គួរឲ្យចាប់អារម្មណ៍ក្នុងការប្រកួតវគ្គជម្រុះឡើយ ក្រោយពីបានបញ្ចប់ក្នុងចំណាត់ថ្នាក់លេខ២ក្នុងពូលរបស់ពួកគេបន្ទាប់ពីក្រុមជម្រើសជាតិកាមេរូន ហើយលោក Renard បានបញ្ជាក់ថា ពួកគេមិនអាចត្រូវបានចាត់ទុកថា ជាក្រុមមានសង្ឃឹមច្រើនក្នុងការឈ្នះពានរង្វាន់ Cup of Nations លើកទី៣០នេះឡើយ ជាពិសេសចាប់តាំងពីការចូលនិវត្តន៍របស់ខ្សែប្រយុទ្ធដ៏ឆ្នើម Didier Drogba។ ប៉ុន្តែ ទោះបីជាយ៉ាងណា ក្រុមជម្រើសជាតិកូតឌីវ័រ នៅតែប្រជុំដោយកីឡាករឆ្នើមក្នុងយុទ្ធនាការនេះ ដូចជា Serge Aurier, Kolo Toure, Gervinho, Seydou Doumbia និងខ្សែប្រយុទ្ធ Wilfried Bony ជាដើម។ ស្របពេលជាមួយគ្នានេះ ខ្សែបម្រើ Yaya Toure ដែលជាមិត្តរួមក្រុម Man City របស់ Bony និងដែលបានឈ្នះពានរង្វាន់កីឡាករឆ្នើមប្រចាំទ្វីបអាហ្វ្រិកចំនួន៤លើក ក៏ជាតារាឆ្នើមគួរឲ្យចាប់អារម្មណ៍ក្នុងក្រុមកូតឌីវ័រផងដែរ។
កីឡាកររូបនេះមិនបានចូលហ្វឹកហាត់ជាមួយនឹងមិត្តរួមក្រុមរបស់គេឡើយក្នុងទីក្រុង Malabo កាលពីថ្ងៃអាទិត្យ បើទោះបីលោក Renard បានបញ្ជាក់ថា លោកចង់ធ្វើឲ្យកីឡាករវ័យ៣១ឆ្នាំរូបនេះមានភាពរឹងមាំតាមដែលអាច ក្រោយពីការបំពេញការតព្វកិច្ចដ៏មមាញឹកសម្រាប់ក្លិបរបស់គេក៏ដោយ។ ដោយឡែក ក្រុមជម្រើសជាតិកាមេរូនរបស់លោក Volker Finke បានធ្វើការស្រោចស្រង់ពីការខកចិត្តក្នុងយុទ្ធនាការ World Cup នៅប្រេស៊ីល និងនៅតែជាគូប្រជែងដែលត្រូវឈ្នះពាន បើទោះបីខ្សែប្រយុទ្ធ Samuel Eto’o ចូលនិវត្តន៍ក៏ដោយ។ ប៉ុន្តែ ពួកគេនឹងអវត្តមានប្រធានក្រុម Stephane Mbia ដោយសារតែការជាប់ពិន័យព្យួរ ក្រោយពីទទួលបានកាតក្រហមនៅពេលប្រកួតជាមួយនឹងកូតឌីវ័រកាលពីខែវិច្ឆិកា។ កូតឌីវ័រ និងហ្គីណេ ធ្លាប់ជួបគ្នា៥លើក បើគិតចាប់តាំងពីឆ្នាំ២០០៨ ខណៈដែលកូតឌីវ័រ បានឈ្នះ៤លើក និងស្មើ១លើក ហើយការជួបគ្នាចុងក្រោយរវាងពួកគេកាលពីឆ្នាំ២០១២ បានបញ្ចប់ក្នុងលទ្ធផលស្មើ ០-០។ ដោយឡែក ក្រុមកាមេរូន បានយកឈ្នះលើម៉ាលីទាំងពីរលើកសម្រាប់ការជួបគ្នា២លើកចុងក្រោយចាប់តាំងពីឆ្នាំ២០០២ ហើយការជួបគ្នាលើកចុងក្រោយកាលពីឆ្នាំ២០១១ កាមេរូន បានយកឈ្នះ ១-០៕
កម្មវិធីប្រកួតថ្ងៃនេះ
Ivory Coast v Guinea ម៉ោង 11 យប់
Cameroon v Mali ម៉ោង 2 ទៀបភ្លឺ
Post a Comment