ឮថា Adidas ជួយ Man Utd ទិញ Messi
ក្លិបបិសាចក្រហម Manchester United អាចនឹងទទួលបានជំនួយពីដៃគូឧបត្ថម្ភថ្មីគឺក្រុមហ៊ុន Adidas ដើម្បីទិញយកកំពូលតារាឆ្នើមរបស់ពិភពលោក Lionel Messi ពីក្លិប FC Barcelona។ នេះបើតាមកាសែត Metro របស់អង់គ្លេសបានចេញផ្សាយ។
Man Utd បានចូលរួមប្រជែងជាមួយក្លិប Chelsea ក្នុងការតាមប្រមាញ់យក Messi ដោយបានឮដំណឹងថា កីឡាករឆ្នើមជម្រើសជាតិអាហ្សង់ទីនរូបនេះ អាចនឹងចាកចេញពីកីឡាដ្ឋាន Camp Nou។
Adidas ដែលជាក្រុមហ៊ុនឧបត្ថម្ភ Messi នឹងក្លាយជាអ្នកផ្គត់ផ្គង់ឈុតឯកសណ្ឋានរបស់ក្រុមបិសាចក្រហមនៅរដូវកាលក្រោយ។ ដូច្នេះទើបពួកគេចង់បានទាំង២ រួមបញ្ចូលគ្នាតែម្ដង គឺ Messi លេងឲ្យ Man Utd។
តាមរបាយការណ៍កាសែតខាងលើ Adidas មានបំណងផ្ដល់លុយបន្ថែមទៀត ដើម្បីជួយដល់ Man Utd មានលទ្ធភាពទិញយក Messi ក្នុងតម្លៃ ២០០លានផោន (ជាង៣០២លានដុល្លារ) ផ្ដាច់កិច្ចសន្យាពីក្លិប Barcelona តែម្ដង និងផ្ដល់លុយមួយចំនួនទៀតសម្រាប់ថ្លៃឈ្នួលប្រចាំសប្ដាហ៍។
ដូច្នេះយើងរងចាំមើលថា តើពាក្យចរចាមអារាមខាងលើនេះ អាចទៅរួចឬមួយយ៉ាងណា? បើពិតមែននោះ តើ Messi អាចស្រោចស្រង់ ក្រុមបិសាចក្រហមឲ្យវិលទៅរករជ្ជកាលមាសដូចសម័យកាលលោកSir Alex Ferguson នៅដឹកនាំបានដែរឬទេ?
ដូច្នេះយើងរងចាំមើលថា តើពាក្យចរចាមអារាមខាងលើនេះ អាចទៅរួចឬមួយយ៉ាងណា? បើពិតមែននោះ តើ Messi អាចស្រោចស្រង់ ក្រុមបិសាចក្រហមឲ្យវិលទៅរករជ្ជកាលមាសដូចសម័យកាលលោកSir Alex Ferguson នៅដឹកនាំបានដែរឬទេ?
ប្រែសម្រួល៖ វិន ជីវ័ន្ត
ប្រភព៖ Telegraph
Post a Comment