Arsenal សម្លឹងឃើញខ្សែការពារ Villarreal ដើម្បីមកបំពេញហានិភ័យតំបន់ការពារ
ខ្សែការពារកណ្តាលកីឡាករ Gabriel Paulista របស់ក្លិប Villarreal បានឲ្យដឹងថា ភ្នាក់ងាររបស់គេ កំពុងធ្វើការពិភាក្សាជាមួយនឹងក្លិបកាំភ្លើងធំ Arsenal ចំពោះលទ្ធភាពនៃការផ្ទេរ នៅក្នុងខែមករានេះ។
កីឡាករសញ្ជាតិប្រេស៊ីល វ័យ២៤ឆ្នាំ ដែលជាកីឡាករស្នូលនៃក្លិប Villarreal ដែលមិនទាន់ធ្លាប់ទទួលរងបរាជ័យម្តង ចាប់តាំងពីដើមខែវិច្ឆិកាមក បាននិយាយថា រូបគេសុបន្តិចង់ផ្លាស់មកលេងនៅក្នុងលីក Premier League។
លោក Arsene Wenger មានការប្តេជ្ញាក្នុងការចង់ចុះហត្ថលេខាយកខ្សែការពារ នៅក្នុងខែនេះ ខណៈដែរបញ្ជីរឈ្មោះកីឡាកររងរបួស បានកើនឡើងដល់កម្រិតមួយ ដែលត្រូវខ្វះអ្នកលេងនៅក្នុងក្រុមរបស់លោក។
ក្នុងពេលចាប់ផ្តើមរដូវកាលដោះដូរកីឡាករ កាលពីរដូវក្តៅ ដោយក្លិប Arsenal បានទិញកីឡាករខ្សែការពារតែ ៥នាក់នោះ លោក Wenger បាននិយាយថា នោះជារឿងហានិភ័យខ្លាំងណាស់ ប្រសិនបើរូបលោក មិនចាប់ផ្តើមបន្ថែមចំនួនកីឡាករទេនោះ ជាក់ស្តែងដូចជាកីឡាករ Mathieu Debuchy ត្រូវអវត្តមានលេងចំនួន ៣ខែ ក្រោយពីត្រូវទទួលការវះកាត់ស្មា។
ក្លិប Villarreal ចង់ខ្ចីជើងខ្សែប្រយុទ្ធរបស់ប្រទេស កូស្តារីកា Joel Campbell ពីក្លិប Arsenal សម្រាប់មកជួយលេងរហូតដល់បញ្ចប់រដូវកាលនេះ ដែលនោះវានឹង ផ្តល់ភាពងាយស្រួលសម្រាប់គ្រូបង្វឹក Wenger ក្នុងការចរចាជាមួយពួកគេរឿងខ្សែការពារនេះ។
Gabriel Paulista បានផ្ទេរមកលេងនៅ Villarreal នេះពីក្លិបនៅប្រេស៊ីល Vitoria កាលពីខែសីហា ឆ្នាំ២០១៣ ក្នុងតម្លៃខ្លួន ២.៥លានផោន។
Post a Comment