Real Madrid ត្រូវ Sociedad វាយបក៤គ្រាប់យ៉ាងគួរឱ្យភ្ញាក់ផ្អើល ខណៈ Barca រកបាន៣ពិន្ទុបន្ថែមនៅផ្ទះ Villarreal

ការប្រកួតក្របខ័ណ្ឌ La Liga សប្ដាហ៍ទី២យប់មិញ ក្រុម Real Madrid បាននាំមុខ Real Sociedad ២គ្រាប់មុនទៅហើយ ប៉ុន្តែបែរជាត្រូវ Sociedad វាយបក៤គ្រាប់វិញយកឈ្នះ៤-២យ៉ាងគួរឱ្យភ្ញាក់ផ្អើល ខណៈ Barcelona ឈ្នះ១-០នៅទឹកដី Villarreal។

Real Sociedad's midfielder Esteban Grane

Sergio Ramos និង Gareth Bale ស៊ុតចូលម្នាក់មួយគ្រាប់ក្នុងនាទីទី៥និងទី១១ឱ្យ Real Madrid ដែលលេងដោយគ្មានតារាជើងស៊ុត Cristiano Ronaldo បើកការនាំមុខយ៉ាងសប្បាយរីករាយ។ តែការនាំមុខនេះត្រូវក្រុមម្ចាស់ផ្ទះកាត់បន្ថយនៅនាទីទី៣៥ដោយកីឡាករ Inigo Martinez មុនតាមស្មើដោយកីឡាករ David Zurutuza ក្នុងនាទីទី៤១។ ចូលដល់តង់ទី២ Sociedad ស៊ុតថែម២គ្រាប់ទៀតដោយ Zurutuza ដដែលក្នុងនាទីទី៦៥និងអតីតខ្សែប្រយុទ្ធរបស់ Arsenal, Carlos Vela ក្នុងនាទីទី៧៥ ធ្វើឱ្យក្រុមលោក Carlo Ancelotti ត្រលប់ទៅរាជធានីនៃប្រទេសអេស្ប៉ាញវិញដោយគ្មានពិន្ទុរាប់។

Gareth Bale puts Real Madrid 2-0 up in the 11th minute after a cheeky nutmeg and tidy finish with the left boot into the far-right corner of the goal

Sociedad emerged 4-2 victors over Real Madrid on their home turf but were not expected to do so with the likes of Rodriguez, Bale and Co still on show

ចំណែកឯការប្រកួតនៅកីឡដ្ឋាន Camp El Madrigal វិញ ក្រុមម្ចាស់ផ្ទះ Villarreal រងភាពខកចិត្តក្នុងនាទីទី៨២នៅពេល Lionel Messi ទាញកម្លាំងខ្សែការពាររបស់ខ្លួនបីបួននាក់រួចហើយបញ្ជូនបាល់ឱ្យកីឡាករវ័យក្មេង Sandro Ramírez ថែមបញ្ចូលទី ដែល១គ្រាប់នេះគ្រប់គ្រាន់សម្រាប់ Barcelona ទទួលបាន៣ពិន្ទុបន្ថែមទៀត ឈរកំពូលតារាង La Liga។