AC Milan កំពុងតែធ្វើញាប់ដៃញាប់ជើងដើម្បីនាំយក Torres ពី Chelsea
Fernando Torres បានទទួលយកចំពោះការផ្ទេរដែលអាចទៅរួចមួយទៅកាន់ក្លិប AC Milan ក្នុងលក្ខខណ្ឌជើងសម្រាប់រយៈពេលពេញមួយរដូវកាល បើទោះបីកិច្ចពិភាក្សាផ្សេងៗរវាងក្លិបរបស់អ៊ីតាលីមួយនេះ និង Chelsea មិនទាន់ឈានដល់កិច្ចព្រមព្រៀងគ្នាទៅលើប្រាក់បៀរវត្សរ៍របស់ខ្សែប្រយុទ្ធអន្តរជតិអេស្ប៉ាញរូបនេះក៏ដោយ។
ខ្សែប្រយុទ្ធរូបនេះ ដែលបានផ្ទេរមកពីក្លិប Liverpool ក្នុងតម្លៃខ្លួន៥០លានផោន (ស្មើនឹង៨២,៩៤លានដុល្លារអាមេរិក) កាលពីខែមករា ឆ្នាំ២០១១ នៅសល់រយៈពេល២ឆ្នាំទៀតក្នុងកិច្ចសន្យាដែលទទួលចំណូលបាន១៧៥.០០០ផោន (ស្មើនឹង២៩០.២៩២ដុល្លារអាមេរិក) របស់គេ និងមិនមានបំណងទទួលយកការកាត់ប្រាក់ខែរឡើយ ប្រសិនបើរូបគេត្រូវចាកចេញពីកីឡដ្ឋាន Stamford Bridge នោះ។ ប៉ុន្តែ ក្រោយពីបានផ្តល់ភាពជោគជ័យទាំងកម្រក្នុងរយៈពេល៣ឆ្នាំរបស់គេជាមួយនឹងក្លិបនេះ វាមាននូវការទទួលស្គាល់ថា រូបគេនឹងលេងក្នុងនាមជាកីឡាករបម្រុងនៅឯ Chelsea ក្រោយពីត្រូវលេងបម្រុងបន្ទាប់ពីខ្សែប្រយុទ្ធ Diego Costa និងកីឡាករជើងចាស់ Didier Drogba។ AC Milan បានអះអាងថា កិច្ចពិភាក្សាផ្សេងៗកំពុងតែដំណើររវាងក្លិបទាំងពីរ ខណៈដែលពួកគេព្យាយាមស្វែងរកអ្នកជំនួសកន្លែងរបស់ខ្សែប្រយុទ្ធ Mario Balotelli ដែលបានចូលរួមជាមួយនឹងក្លិប Liverpool កាលពីសប្តាហ៍នេះក្នុងតម្លៃខ្លួន១៦លានផោន។
ពួកគេធ្លាប់បានសាកសួរពីខ្សែប្រយុទ្ធ Fabio Borini របស់ Liverpool និង Roberto Soldado របស់ក្លិប Tottenham Hotspur ប៉ុន្តែ បច្ចុប្បន្ន កំពុងតែផ្តោតអារម្មណ៍ទៅលើ Torres វ័យ៣០ឆ្នាំ ដោយចាត់ទុកថា ជាខ្សែប្រយុទ្ធកម្រិតខ្ពស់ម្នាក់ក្នុងការដឹកនាំនៅកីឡដ្ឋាន San Siro។ លោក Adriano Galliani អនុប្រធានក្លិបរបស់ AC Milan បានឲ្យដឹងថា៖ «គោលបំណងរបស់យើងគឺការនាំយកខ្សែប្រយុទ្ធដ៏អស្ចារ្យម្នាក់។ យើងនឹងរង់ចាំមើលថា តើយើងសម្រេចគោលបំណងរបស់យើង ឬយ៉ាងណា ប៉ុន្តែ Fernando Torres គឺជាខ្សែប្រយុទ្ធដ៏អស្ចារ្យម្នាក់។ យើងកំពុងតែធ្វើការយ៉ាងសកម្មដើម្បីនាំយករូបគេ»៕
Post a Comment