លោក Scolari ចុះចេញពីតំណែង ក្រោយពីភាពអាម៉ាសរបស់ប្រេស៊ីលក្នុង World Cup ឆ្នាំ២០១៤
លោក Luiz Felipe Scolari
បានចុះចេញពីតំណែងក្នុងនាមជាគ្រូបង្វឹករបស់ក្រុមបាល់ទាត់ជម្រើស
ជាតិប្រេស៊ីល
ក្រោយពីការរងបរាជ័យដ៏អាម៉ាសបានបញ្ចប់យុទ្ធនាការ World Cup
របស់ក្រុមម្ចាស់ផ្ទះមួយនេះ។ កិច្ចសន្យារបស់លោក Scolari បានបញ្ចប់
ក្រោយពីយុទ្ធនាការនេះ
ហើយឱកាសរបស់លោកក្នុងការបន្តស្ថិតនៅក្នុងតំណែងនេះត្រូវបាន
បញ្ចប់ដោយការរងបរាជ័យ ៧-១
របស់ក្រុមជម្រើសជាតិប្រេស៊ីលក្រោមស្នាដៃក្រុមជម្រើសជាតិអាល្លឺ
ម៉ង់ក្នុងការប្រកួតវគ្គពាក់កណ្តាលផ្តាច់ព្រ័ត្រ។
វាជាការបរាជ័យដ៏អាក្រក់បំផុតរបស់
ប្រេស៊ីលក្នុងប្រវត្តិសាស្ត្ររយៈពេល១០០ឆ្នាំរបស់ពួកគេ
ហើយបន្ទាប់មក ពួកគេបានរងបរាជ័យ ៣-០
ក្រោមស្នាដៃរបស់ក្រុមជម្រើសជាតិអាល្លឺម៉ង់ក្នុងការប្រកួតដណ្តើម
ចំណាត់ថ្នាក់លេខ៣។ លោក Scolari
ធ្លាប់បាននិយាយក្រោយពីការប្រកួតជាមួយនឹងហូឡង់កាលពីថ្ងៃសៅរ៍
ថា
វានឹងអាស្រ័យទៅលើសហព័ន្ធកីឡាបាល់ទាត់ប្រេស៊ីលក្នុងការសម្រេច
ថា តើលោកនឹងបន្តតួនាទីរបស់លោក ឬយ៉ាងណា។
អង្គភាពមួយនេះបានឲ្យដឹងក្នុងសេចក្តីថ្លែងការណ៍មួយកាលពីថ្ងៃ
ចន្ទថា៖ «លោកគ្រូបង្វឹក Luiz Felipe Scolari
និងបុគ្គលិកគ្រូបង្វឹករបស់លោកបានប្រគល់តំណែងរបស់ពួកគេទៅឲ្យ
ក្រុមប្រឹក្សារបស់សហព័ន្ធកីឡាបាល់ទាត់ប្រេស៊ីលវិញ។
ការចុះចេញពីតំណែងនេះត្រូវបានទទួលយក ដោយលោកប្រធាន [José Maria] Marin ដែលចង់ធ្វើការថ្លែងអំណរគុណដល់គ្រូបង្វឹក និងកីឡាករទាំងអស់ ជាពិសេសអ្នកគាំទ្រប្រេស៊ីលសម្រាប់ការគាំទ្ររបស់ពួកគេទូទាំង យុទ្ធនាការនេះ»។ លោក Scolari បានដឹកនាំឲ្យក្រុមជម្រើសជាតិប្រេស៊ីលឈ្នះពានរង្វាន់ World Cup ឆ្នាំ២០០២ អំឡុងពេលការចូលកាន់តំណែងជាលើកទី១របស់លោក។ លោកបានវិលទៅកាន់តំណែងនេះវិញកាលពីចុងឆ្នាំ២០១២ ហើយក្នុងចំណោម២៩ប្រកួត ប្រេស៊ីលបានទទួលជ័យជម្នះ១៩ប្រកួត ស្មើ៦ និងរងបរាជ័យ៤លើក៕
ការចុះចេញពីតំណែងនេះត្រូវបានទទួលយក ដោយលោកប្រធាន [José Maria] Marin ដែលចង់ធ្វើការថ្លែងអំណរគុណដល់គ្រូបង្វឹក និងកីឡាករទាំងអស់ ជាពិសេសអ្នកគាំទ្រប្រេស៊ីលសម្រាប់ការគាំទ្ររបស់ពួកគេទូទាំង យុទ្ធនាការនេះ»។ លោក Scolari បានដឹកនាំឲ្យក្រុមជម្រើសជាតិប្រេស៊ីលឈ្នះពានរង្វាន់ World Cup ឆ្នាំ២០០២ អំឡុងពេលការចូលកាន់តំណែងជាលើកទី១របស់លោក។ លោកបានវិលទៅកាន់តំណែងនេះវិញកាលពីចុងឆ្នាំ២០១២ ហើយក្នុងចំណោម២៩ប្រកួត ប្រេស៊ីលបានទទួលជ័យជម្នះ១៩ប្រកួត ស្មើ៦ និងរងបរាជ័យ៤លើក៕
Post a Comment