FIFA ប្រកាសថាគ្រាប់បាល់ស្អាតជាងគេបំផុតប្រចាំ World Cup 2014 បានទៅលើ…

6:49 PM កីឡាអន្តរជាតិ

សហព័ន្ធកីឡាបាល់ទាត់អន្តរជាតិ FIFA បានប្រកាសជាផ្លូវការថាគ្រប់បាល់ស្អាតជាងគេបំផុតប្រចាំព្រឹត្តិការណ៍ FIFA World Cup 2014 នៅប្រេស៊ីលបានទៅលើគ្រាប់បាល់វ៉ុលឡេបញ្ចូលទីអ៊ុយរុយហ្គាយរបស់ខ្សែប្រយុទ្ធកូឡុំប៊ី James Rodriguez។

ក្នុងការប្រកួតវគ្គ១៦ក្រុមចុងក្រោយនោះ ម្ចាស់ស្បែកជើងមាស World Cup 2014 ដក់ទ្រូងទប់បាល់ដែលតែតឱ្យដោយមិត្តរួមក្រុមនៅមុខប្រអប់គ្រោះ ថ្នាក់របស់អ៊ុយរុយហ្គាយ រួចហើយបង្វិលខ្លួនវ៉ុលឡេភ្លាមៗដោយមិនបង្អង់ឱ្យបាល់ធ្លាក់ដល់ ដីទាន់ឡើយ ហើយបាល់ហោះយ៉ាងលឿនទៅបំប៉ោងសំណាញ់ទីរបស់អ្នកចាំទី Fernando Muslera ក្រោមក្រសែភ្នែកអ្នកទស្សនាផ្ទាល់ជាង៧ម៉ឺននាក់។

គ្រាប់ បាល់នេះទទួលបានសំឡេងឆ្នោតគាំទ្រជាង៤លាននាក់នៅលើគេហទំព័ររបស់ FIFA គឺច្រើនជាងសំឡេងឆ្នោតចំពោះគ្រាប់បាល់តែតបញ្ចូលទីអេស្ប៉ាញរបស់ ខ្សែប្រយុទ្ធហុល្លង់ Robin van Persie ទៅទៀត។

ខ្សែ ប្រយុទ្ធរបស់ក្លិប Monaco រូបនេះក្លាយជាកីឡាកររបស់អាមេរិកខាងត្បូងទី៣ជាប់ៗគ្នាដែលឈ្នះ ពានរង្វាន់ Goal of the Tournament នេះ បន្ទាប់ពីខ្សែបម្រើអាហ្សង់ទីន Maxi Rodriguez ឈ្នះក្នុងឆ្នាំ២០០៦និងខ្សែប្រយុទ្ធអ៊ុយរុយហ្គាយ Diego Forlan ឈ្នះក្នុងឆ្នាំ២០១០៕