អាហ្សង់ទីនមានប្រវត្តិមិនសូវកាក់កបពេលជួបជាមួយហូល្លង់ ចុះលើកនេះវិញអាចមានសង្ឃឹមទេ?

ការប្រកួតក្របខណ្ឌ FIFA World Cup 2014 វគ្គពាក់កណ្ដាលផ្ដាច់ព្រ័ត្រ រវាងក្រុមជម្រើសជាតិហូល្លង់ និងក្រុមជម្រើសជាតិអាហ្សង់ទីន នឹងត្រូវធ្វើឡើងនៅក្នុងទឹកដីនៃកីឡាដ្ឋាន Arena de Sao Paulo នៃទីក្រុង Sao Paulo ដែលអាចផ្ទុកទស្សនិកជនបានរហូតដល់ ទៅ 62 601 នាក់។ ការប្រកួតនេះនឹងត្រូវធ្វើឡើងនៅវេលាម៉ោង ៣:០០ ទៀបភ្លឺ (ម៉ោងនៅកម្ពុជា) ថ្ងៃទី ១០ ខែកក្កដា ឆ្នាំ ២០១៤ ។
Netherlands Vs Argentina

វិភាគលើក្រុមទាំងពីរ

ក្រុមជម្រើសជាតិហូល្លង់បានធ្វើឲ្យក្រុមអ្នកគាំទ្រស្ទឺរតែ អស់ទំនុកចិត្តទៅហើយដោយសារតែអាចប្រកួតយកឈ្នះលើក្រុមជម្រើស ជាតិកូស្ដារីកាដោយបាល់ពិន័យ ១១ មែត្រតែប៉ុណ្ណោះ។ ប៉ុន្ដែទោះជាយ៉ាងណាក៏ដោយក៏ក្រុមអធិរាជពណ៌ទឹកក្រូចមួយនេះបាន បង្ហាញពីសមត្ថភាពក្នុងការដាក់សម្ពាធលើគូប្រកួតយ៉ាងខ្លាំង ពេញ ១២០ នាទីផងដែរ។

ក្រុមជម្រើសជាតិអាហ្សង់ទីនវិញបានទម្លាក់ក្រុមជើងខ្លាំងប៊ែល ហ្សិក ដែលមិនធ្លាប់ចាញ់ ១០ ប្រកួតជាប់ៗគ្នាក្នុងក្របខណ្ឌ FIFA World Cup ដោយលទ្ធផល ១ ទល់នឹង ០ ដែលរកបានដោយកីឡាករ Higuaín នៅដើមតង់ទី១។

ក្រុមជម្រើសជាតិហូល្លង់បានរក្សាកំណត់ត្រាមិនធ្លាប់ចាញ់របស់ ខ្លួនក្នុងក្របខណ្ឌ FIFA World Cup បានរហូតដល់ ៣០ ប្រកួតជាប់ៗគ្នា ចំណែកឯក្រុមជម្រើសជាតិអាហ្សង់ទីនវិញបរាជ័យតែម្ដងគត់ក្នុង ចំណោមការប្រកួត ១៩ លើករបស់ខ្លួនក្នុងក្របខណ្ឌ FIFA World Cup។

ក្រុមជម្រើសជាតិអាហ្សង់ទីនមិនធ្លាប់បំបាក់ក្រុមជម្រើសជាតិ ហូល្លង់បានឡើយក្នុងចំណោមការប្រកួតគ្នា ៥ លើកថ្មីរបស់ក្រុមទាំងពីរនៅគ្រប់កម្មវិធី។

ក្រុមជម្រើសជាតិហូល្លង់បានបង្ហាញសមត្ថភាពដ៏អស្ចារ្យក្នុង ការប្រកួតវគ្គជម្រុះតាមពូលប៉ុន្តែឥទ្ធិពលនៅតំបន់ប្រយុទ្ធរបស់ ខ្លួនបានធ្លាក់ចុះមកវិញក្នុងចំណោមការប្រកួតថ្មីៗនេះ ពោលគឺអាចយកឈ្នះគូប្រកួតរបស់ខ្លួនដោយប្រផិតប្រផើយប៉ុណ្ណោះ។

ចំណេកក្រុមជម្រើសជាតិអាហ្សង់ទីនវិញនៅមិនទាន់បានបង្ហាញ ទម្រង់លេងអស្ចារ្យណាស់ណានៅឡើយទេ ពោលគឺមិនធ្លាប់បានយកឈ្នះលើគូប្រកួតឲ្យលើសពី ១ គ្រាប់នៅឡើយ។

កីឡាករ Nigel de Jong របស់ក្រុមជម្រើសជាតិហូល្លង់នៅតែមិនអាចត្រលប់មកជួយក្រុមបាន វិញដដែល ដោយសារមានបញ្ហារបួស ជាមួយគ្នានេះ Ron Vlaar និង Fer នៅតែមិនច្បាស់ថាអាចវិលមកជួយក្រុមបាននៅឡើយ។

សម្រាប់ក្រុមជម្រើសជាតិអាហ្សង់ទីនវិញកំពុងព្រួយបារម្ភពី បញ្ហាអវត្តមានកីឡាករសំខាន់ Ángel Di María ដោយសារបញ្ហារបួស ដែលទំនងជាអាចវិលមកជួយក្រុមជាថ្មីបានប្រសិបនបើក្រុមជម្រើស ជាតិអាហ្សង់ទីនអាចឡើងទៅវគ្គផ្ដាច់ព្រ័ត្រ ទោះជាយ៉ាងណាក៏ដោយក៏នៅមានដំណឹងល្អសម្រាប់អាហ្សង់ទីនដែរដោយ សារតែកីឡាករ Sergio Agüero ជាសះស្បើយ ១០០% អាចវិលមកជួយក្រុមវិញបានហើយ។

ទម្រង់លេងរបស់ក្រុមទាំងពីរ និងជម្រើសទាំង ១១ នាក់សម្រាប់ការប្រកួតនេះ (possible)

ទម្រង់លេងរបស់ក្រុមជម្រើសជាតិហូល្លង់៖ ៣-៤-១-២
ទម្រង់លេងរបស់ក្រុមជម្រើសជាតិអាហ្សង់ទីន៖ ៤-៣-១-២

ប្រវត្តិជួបគ្នារបស់ក្រុមទាំងពីរ

ក្រុមទាំងពីរធ្លាប់មានប្រវត្តិជួបគ្នា ៨ លើក ក្នុងនោះក្រុមជម្រើសជាតិហូល្លង់ធ្លាប់ឈ្នះ ៤ លើក ស្មើគ្នា ៣ លើក និងក្រុមជម្រើសជាតិអាហ្សង់ទីនយកឈ្នះបានតែ ១ លើកប៉ុណ្ណោះ។ ជំនួបលើកចុងក្រោយរវាងក្រុមទាំងពីរកាលពីថ្ងៃទី ២១/០៦/២០០៦ ក្រុមទាំងពីបានបញ្ចប់ការប្រកួត ៩០ នាទីដោយលទ្ធផល ០ ទល់នឹង ០។ Neth Vs Arg HTH