បារាំង ស្វាគមន៍ ហុងឌុយរ៉ាស ជាលើកដំបូងក្នុងប្រវត្តិសាស្រ្តបាល់ទាត់របស់ខ្លួននៅយប់នេះ

ការប្រកួតគូទី១០ នៅក្នុងក្របខណ្ឌ FIFA World Cup 2014 រវាងក្រុមមកពីជម្រើសជាតិបារាំង និងក្រុមជម្រើសជាតិហុងឌុយរ៉ាស នឹងត្រូវធ្វើឡើងនៅក្នុងទឹកដីនៃកីឡាដ្ឋាន Estadio Beira-Rio នៃទីក្រុង Porto Alegre ដែលអាចផ្ទុកទស្សនិកជនបានរហូតដល់ទៅ ៤២ ៩៩១ នាក់។ ការប្រកួតនេះនឹងត្រូវធ្វើឡើងនៅវេលាម៉ោង ០២:០០ ទាបភ្លឺ (ម៉ោងនៅកម្ពុជា) ថ្ងៃទី ១៦ ខែមិថុនា ឆ្នាំ ២០១៤ នេះ។
France Vs Honduras Cover

វិភាគលើក្រុមទាំងពីរ

បារាំងជាក្រុមម្ចាស់ជើងឯក World Cup កាលពីឆ្នាំ ១៩៩៨ ហើយក៏ជាក្រុមរងជើងឯក World Cup កាលពីឆ្នាំ ២០០៦ ផងដែរ ប៉ុន្ដែសម្រាប់ការប្រកួត World Cup កាលពីឆ្នា ២០១០ នៅប្រទេសអាព្រិកខាងត្បូងវិញបារាំងធ្លាក់ត្រឹមវគ្គជម្រុះក្នុង ពូលតែប៉ុណ្ណោះ ដោយសារបញ្ហាកីឡាករមួយចំនូនរបស់ក្រុមនេះ។
ដោយឡែកឆ្នាំនេះ ការប្រកួតមិនទាន់ចាប់ផ្ដើមផងក៏មានការរកាំរកូសរឿងកីឡាករជា ថ្មីម្ដងទៀត ជាពិសេសកីឡាករ Samir Nasri ខ្សែបម្រើឆ្នើមរបស់ក្លឹប Man City ដែលបានរិះគន់យ៉ាងចាស់ដៃចំពោះលោក Didier Deschamps ដែលមិនបានជ្រើសរើសឲ្យគាត់ជាប់ជាកីឡាករទាំង ២៣ នាក់របស់បារាំងសម្រាប់ World Cup លើកនេះ។
លោក Didier Deschamps នឹងត្រូវដឹកនាំក្រុមមាន់គក់បារាំងជួបជាមួយ ក្រុមជម្រើសជាតិហុងឌុយរ៉ាស ដោយគ្មានកីឡាករអ្នកនាំលេង Franck Ribery ដោយសារតែបានរងរបួសកាលពីពេលថ្មីៗនេះ ហើយក៏នៅមិនច្បាស់ថាអាចវិលត្រលប់មកលេងវិញបាននៅពេលណាឡើយ។
ក្រុមជម្រើសជាតិហុងឌុយរ៉ាស ល្បីខាងពូកែការពារ ជាពិសេសក្នុងការប្រកួតប៉ុន្មានប្រកួតចុងក្រោយនេះខ្សែការពារ របស់ក្រុមជម្រើសជាតិមួយនេះធ្វើបានយ៉ាងល្អ ពោលគឺមិនអាចឲ្យក្រុមជម្រើសជាតិអង់គ្លេសទំលុះសំណាញ់របស់ខ្លួន បានឡើយក្នុងការប្រកួតមិត្តភាពកាលពីដើមខែនេះ។
ទោះជាយ៉ាងណាក្ដី ក៏ហុងឌុយរ៉ាសមិនគួរយកចិត្តទុកដាក់តែលើការការពារមួយមុខឡើយ គឺត្រូវឆ្លៀតវាយសម្រុកទៅលើបារាំងវិញដើម្បីកាត់បន្ថយសំពាធនៅ ពេលប្រកួត។ ចំណែកខាងបារាំងវិញ មានទំនុកចិត្តខ្ពស់ក្នុងការទទួលបាន ៣ ពិន្ទុពីការប្រកួតនៅក្នុងយប់នេះ ទោះបីជាគ្មាន Franck Ribery ក៏ដោយ។

ជម្រើសទាំង ២៣ នាក់របស់ក្រុមទាំងពីរ