ពាក្យសម្ដីចុងក្រោយរបស់ Ryan Giggs និង Nemanja Vidic ធ្វើឲ្យមិត្តរួមក្រុម និងអ្នកគាំទ្ររំជួលចិត្ត

កីឡាករ-គ្រូបង្វឹក Ryan Giggs បន្ទាប់ពីដឹកនាំ និងផ្លាស់ប្តូរចូលលេងឲ្យក្លឹប Manchester United យកឈ្នះលើក្រុម Hull City ដោយលទ្ធផល ៣ ទល់នឹង ១ កាលពីយប់មិញបានថ្លៃងទៅកាន់កីឡាករមិត្តរួមក្រុម និង អ្នកគាំទ្ររបស់ក្លឹបនៅក្នុងកីឡាករដ្ឋាន Old Trafford ប្រកបទៅដោយពាក្យពេជន៍រំជួលចិត្ត និងក្ដីសង្ឃឹមសម្រាប់ក្លឹប Manchester United។

នៅក្នុងការថ្លែងទៅកាន់កីឡាករមិត្តរួមក្រុម និង អ្នកគាំទ្ររបស់ក្លឹបនៅក្នុងកីឡាករដ្ឋាន Old Trafford កាលពីយប់មិញ កីឡាករ-គ្រូបង្វឹក Ryan Giggs បានសន្យាថា ពេលវេលាល្អៗនឹងវិលមកកនា់ក្លឹប Manchester United ឆាប់ៗនេះ ។ ការបង្ហាញខ្លួន ២០ នាទីចុងក្រោយកាលពីយប់មិញ ត្រូវបានគេជឿថាទំនងជាការបង្ហាញវត្តមានលើកចុងក្រោយបង្អស់ របស់កីឡាករវ័យ ៤០ ឆ្នាំរូបនេះក្នុងនាមជាកីឡាកររបស់ Man Utd នោក្នុងទឹកដី Old Trafford។
គ្រូបង្វឹកទទួលបន្ទុកបណ្ដោះអាសន្នរូបនេះ បានសម្ដែងការអរគុណយ៉ាងជ្រាលជ្រៅចំពោះកីឡាករ បុគ្គលិក អ្នកគាំទ្រទាំងអស់របស់ ក្លឹប Manchester United ជាពិសេសកីឡាករប្រធានក្រុម Nemanja Vidic ដែលនឹងត្រូវផ្ទេរទៅលេងឲ្យក្លឹប Inter Milan នៅ រដូវកាលក្រោយ។ Giggs បាននិយាយថា Vidic គឺជាខ្សែការពារដែលល្អបំផុតក្នុងចំណោមកីឡាករខ្សែការពារផ្សេងៗ ទៀត ដែលគាត់ធ្លាប់រួមអាជីពជាមួយចាប់តាំងពីឆ្នាំ ១៩៩១ មក។ ជាមួយគ្នានេះផងដែរ Giggs ក៏បានផ្លៀតឱកាសជូនពរឲ្យកីឡាករ Nemanja Vidic ជោគជ័យសម្រាប់ការបន្តអាជីពរបស់ខ្លួននៅ លើទឹកដីនៃប្រទេសអ៊ីតាលីផងដែរ។
Vidic

កីឡាករខ្សែការពារលំដាប់អន្តរជាតិរបស់ស៊ែប៊ីរូបនេះ បានថ្លែងទៅកាន់អ្នកគាំទ្រថា ទោះបីជាគាត់ចាកចេញពីក្លឹបមែន ក៏បេះដូងរបស់គាត់នៅជាមួយក្លឹបជានិច្ច Old Trafford ជាកន្លែងដែលគាត់បានចំណាយពេលវេលាច្រើនបំផុតក្នុងអាជីពរបស់ គាត់ ជាពិសេសទីនេះបានធ្វើឲ្យគាត់មានឱកាសប្រកបអាជីពជាមួយនឹង កីឡាករល្បីៗ លំដាប់ពិភពលោកជាច្រើនរូប។ កីឡាករវ័យ ៣២ ឆ្នាំរូបនេះក៏បានសន្យាផងដែរថា គាត់នឹងនៅតែតាមដាន និងយកចិត្តទុកដាក់ជានិច្ចរាល់សកម្មភាពរបស់ក្លឹប។
សម្រាប់ការប្រកួតកាលពីយប់មិញ Ryan Giggs បានសម្រេចដាក់ឲ្យកីឡាករចេញពីក្លឹបយុវជន ២ រូបគឺ James Wilson និង Tom Lawrence ឲ្យចូលលេងជាជម្រើស ១១ នាក់ដំ បូងផងដែរ។ ដោយលែកកីឡាករ Vidic ត្រូវបានដាក់ឲ្យចូលលេងជំនួសកីឡាករ Phil Jones បន្ទាប់ពីមានបញ្ហារបួសស្មា មុននឹងសម្រេចផ្លាស់ប្ដូរខ្លួនឯងឲ្យចូលលេងជំនួសកីឡាករវ័ក្មេង Tom Lawrence ក្នុងនាទី ៧០ នៃការប្រកួត។
Ryan Giggs 2

“ខ្ញុំចង់និយាយថាសូមអ្នកទាំងអស់គ្នាបន្ដគាំទ្រពួកយើងតទៅទៀត។ អ្នកទាំងអស់បានឃើញពន្លឺនៃកីឡាករឆ្នើមសម្រាប់ពេលអនាគតមួយហើយនៅយប់នេះ ហើយនេះជាអ្វីដែលជាការប្រឹងប្រែងរបស់ក្លឹប។ យើងនឹងនៅតែផ្តល់ឱ្យយុវជននូវឱកាស និងការលេងកីឡាបាល់ទាត់លើទីលាន។ សូមរក្សាការគាំទ្ររបស់អ្នកទាំងអស់មគ្នាចំពោះពួកយើងនិងពេលវេលាល្អនឹងវិលមកវិញឆាប់ៗនេះ» នេះជាពាក្យសម្ដីចុងក្រោយរបស់ Ryan Giggs ដែលបានថ្លៃងទៅកាន់អ្នកគាំទ្រ និងមិត្តរួមក្រុម។
ទោះជាយ៉ងនេះក្ដីក៏កីឡាករវ័យ ៤០ ឆ្នាំរូបនេះ មិនទាន់បានសម្រេចចិត្តច្បាស់លាស់ថានឹកចាកចេញពីក្លឹប ឬ យ៉ាងណានៅឡើយទេ គឺត្រូវរងចាំដល់ចប់រដូវកាលនេះ ទើបសម្រេចចិត្តជាក្រោយ៕ DC