Manchester City និង Paris St-Germain ត្រូវបានពិន័យដោយ UEFA ពាក់ព័ន្ធនឹង UEFA Financial Fair Play
ក្លឹបជើងឯកលើកកំពូលរបស់អង់គ្លេស
Manchester City និងក្លឹបជើងឯកលីកកំពូលរបស់បារាំង Paris St-Germain
ត្រូវបានពិន័យដោយ UEFA ពីបទបានបំពានលើក ខស្ដីពី UEFA Financial
Fair Play (UEFA-FFP)។
ក្លឹប Manchester City
ត្រូវបានពិន័យជាទឹកប្រាក់ប្រមាណ ៤៩ លានផោន ឬ (៦០ លានអ៊ឺរ៉ូ)
ប៉ុន្ដែទឹកប្រាក់ចំនួន ៣២
លានផោននឹងត្រូវលើកលែងប្រសិនបើក្លឹប Manchester City
បានបំពេញលក្ខខណ្ឌមួយចំនួនទៅតាមគោលការណ៍របស់ UEFA Financial
Fair Play (UEFA-FFP)។ ដូចនេះមានតែទឹកប្រាក់ប្រមាណ ១៧
លានផោនតែប៉ុនណ្ណោះ ដែលក្លឹប Manchester City ត្រូវបង់ទៅឲ្យ UEFA
បន្ទាប់ពីក្លឹបបានទទួលស្គាល់ថាពិតជាបានបំពាន UEFA-FFP
ប្រាកដមែន។
ហើយលក្ខខណ្ឌចាំបាច់ ដែលក្លឹប Manchetser
City ត្រូវបំពេញនោះគឺ
ក្លឹបនឹងមិនអាចបញ្ជូនឈ្មោះកីឡាកររហូត ២៥
នាក់ដើម្បីចូលរូមប្រកួតពានរង្វាន់ដែលរៀបចំដោយ UEFA
ដូចក្លឹបផ្សេងៗឡើយនៅរដូវកាលក្រោយ ពោលគឺ UEFA អនុញ្ញាតឲ្យក្លឹប
Manchester City បញ្ជូនឈ្មោះកីឡាករតែ ២១ នាក់តែប៉ុណ្ណោះ។
មួយវិញទៀតក្លឹប Manchester City
នឹងត្រូវអនុញ្ញាតិឲ្យចំណាយត្រឹមតែ ៤៩
លានផោនប៉ុណ្ណោះសម្រាប់រដូវកាលដោះដូរកីឡាករខាងមុខនេះ
ហើយវិធីសាស្រ្តល្អបំផុតសម្រាប់លោក Manuel Pellegrini
ក្នុងការរក្សាលំនឹង
និងបង្កើនទំហំហិរញ្ញវត្ថុក្នុងការចំណាយនៅពេលខាងមុខនោះគឺ
ក្លឹបត្រូវតែពិចារណាលក់កីឡាករមួយចំនួនឬ
បើមិនដូចនេះទេលោក Pellegrini
ក៏អាចពិចារណាលើការកាត់បន្ថយប្រាក់ខែកីឡាករ
ឬយ៉ាងហោចណាស់អាចត្រឹមរក្សាឲ្យនៅកម្រិតថេរដូចរដូវកាលនេះ
សម្រាប់ការចំណាយលើប្រាក់ខែនៅរដូវកាលក្រោយ។ ផ្ទុយទៅវិញ
បើសិនលោក Pellegrini មិនធ្វើដូចនេះទេ
នោះក្លឹបនឹងត្រូវរក្សាកីឡាករដដែលនៅក្នុងក្លឹប
ដោយមិនអាចទិញកីឡាករចូលដែលមានតម្លៃខ្លួនលើសបី ៤៩
លានផោនបានឡើយ។
ជាមួយគ្នានេះដែរក៏មានក្លឹប ៧ ផ្សេងទៀតដែលត្រូវបានពិន័យដោយ UEFA ពាន់ព័ន្ធនឹងការបំពានលើគោលការណ៍ UEFA-FFP នេះផងដែរ ដែលក្នុងនោះរួមមាន៖ ក្លឹប ៣ របស់ប្រទេសរូស៊ី គឺ Zenit St Petersburg, Rubin Kazan និង Anzhi Makhachkala, ក្លឹបមកពីប្រទេសតួគឺ Galatasaray, Bursaspor និង Trabzonspor ព្រមទាំងក្លឹបមួយទៀតរបស់ប្រទេសប៊ុលការី គឺក្លឹប Levski Sofia៕
Post a Comment