Luis Suarez ស្រក់ទឹកភ្នែកពេល Liverpool ស្មើគ្នាជាមួយ Crystal Palace កាលពីយប់មិញ

អ្វីដែលនឹកស្មានមិនដល់នោះគឺ ការនាំមុខដោយលទ្ធផល ៣ ទល់នឹង ០ លើកក្រុមម្ចាស់ផ្ទះ Crystal Palace ពីសំណាក់ក្រុមភ្ញៀវ ហង្សក្រហម Liverpool ត្រឹមនាទី ៥៥ នៃការប្រកួត ត្រលប់មកជាលទ្ធផល ៣ ស្មើវិញនៅពេញដែលលោកអាជ្ញាកណ្ដាលផ្លុំកញ្ចែបញ្ចប់ការប្រកួត។ លទ្ធផលដែលគ្រប់គ្នានឹកស្មានមិនដល់នេះ បានធ្វើឲ្យកីឡាករមួយចំនួនរបស់ Liverpool សោកស្ដាយយ៉ាងខ្លាំង ជាពិសេសកីឡាករឆ្នើម Luis Suarez។

ប្រភពរូបភាព dailymail.co.uk

បន្ទាប់ពីខកខានឈ្នះពានរង្វាន់លីកកំពូលរបស់អង់គ្លេសអស់រយៈ ពេល ២៤ ឆ្នាំកន្លងមកហើយ Liverpool ជាក្រុមដែលរំពឹងថានឹងមានឱកាសលើកពាននេះជាលើកដំបូងនៅរដូវកាល នេះ ទំនងជាបាត់បង់ឱកាសសារជាថ្មីម្ដងទៀត បន្ទាប់ពីការប្រកួតក្នុងសប្ដាហ៍ទី ៣៧ របស់ខ្លួន ធ្វើបានត្រឹមស្មើ ៣ ទល់នឹង ៣ ជាមួយនឹងក្លឹប Crystal Palace ប៉ុណ្ណោះ កាលពីយប់មិញ។

ក្រុមភ្ញៀវ Liverpool បានបើកការវាយសម្រុកយ៉ាងខ្លាំងទៅលើកក្រុមម្ចាស់ផ្ទះ Crystal Palace រហូតអាចរកបានគ្រាប់បាល់នាំមុខ ៣ គ្រាប់ទល់នឹង ០ ក្នុងរយៈពេល ៥៥ នាទីតែប៉ុណ្ណោះ។ គ្រាប់បាល់ទី១ របស់ Liverpool រកបានដោយកីឡាករខ្សែបម្រើ Joe Allen អតីតកីឡាករ Swansea City នៅនាទី ទី១៨ នៃតង់ទី១។ កីឡាករខ្សែប្រយុទ្ធឆ្នើម Daniel Sturridge ជាអ្នករកបានគ្រាប់ទី២ ឲ្យក្រុមភ្ញៀវនាំមុខម្ចាស់ផ្ទះនៅនាទី ៥៣ នៃការប្រកួត ខណៈដែល ២ នាទីក្រោយមកទៀតកីឡាករ Luis Suarez ខ្សែប្រយុទ្ធឆ្នើមប្រចាំរដូវកាលរបស់ក្របខណ្ឌ Premier League បន្ថែមគ្រាប់ទី ៣ ឲ្យ Liverpool នាំមុខម្ចាស់ផ្ទះ។
Liverpool Vs CP

ទោះជាយ៉ាងណាក៏ដោយ ក្រុមម្ចាស់ផ្ទះមិនឲ្យអ្នកគាំទ្ររបស់ខ្លួនខកចិត្តឡើយ ពោលគឺក្នុងរយៈពេល ៩ នាទី ក្រុម Crystal Palace អាចវាយបកតាមបានស្មើជាមួយនឹងក្រុមភ្ញៀវ Liverpool ដែលធ្វើបានសម្រេចដោយកីឡាករ Damien Delaney នៅនាទី ទី៧៩ និងកីឡាករ Dwight Gayle ពីរគ្រាប់តែម្នាក់ឯងនៅនាទី ទី ៨១ និង៨៨។
លទ្ធផលដែលគ្រប់គ្នានឹកស្មានមិនដល់នេះ បានធ្វើឲ្យកីឡាករមួយចំនួនរបស់ Liverpool សោកស្ដាយយ៉ាងខ្លាំង ជាពិសេសកីឡាករឆ្នើម Luis Suarez។
Crystal Palace Players