លោក Jose Mourinho៖ តោខៀវ Chelsea ត្រូវការខ្សែប្រយុទ្ធមុតស្រួចជាចាំបាច់
លោក Jose Mourinho
អ្នកចាត់ការទូទៅរបស់ក្លឹបតោខៀវ Chelsea បានឲ្យដឹថា
កីឡាករខ្សែប្រយុទ្ធមុតស្រួចជាតម្រូវការចាំបាច់របស់ក្លឹបនៅ
រដូវកាលក្រោយ ដើម្បីផ្ដួលគូប្រកួត។ លោក Mourinho
ក៏បានទទួលស្គាល់ផងដែរថា
ក្លឹបរបស់លោកមានបញ្ហាត្រង់តំបន់ប្រយុទ្ធ
ខណៈដែលជួបជាមួយនឹងគូប្រកួត
ដែលព្យាយាមការពារច្រើនជាងប្រយុទ្ធ។
យោងតាមសេចក្ដីរាយការណ៍របស់ BBC Sport បានឲ្យដឹងថាលោក Jose Mourinho អ្នកចាត់ការទូទៅរបស់ក្លឹបតោខៀវ Chelsea បានបង្ហាញកង្វល់ និងទទួលស្គាល់ថាបរាជ័យកន្លងមករបស់ក្លឹបដោយសារតែមានកង្វះខាត ខ្សែប្រយុទ្ធឆ្នើម ពោលគឺលោកបានទទួលស្គាល់ថាខ្សែប្រយុទ្ធបច្ចុប្បន្នរបស់ក្លឹប មិនទាន់ឈានដល់កម្រិតមួយដែលលោកចង់បាននៅឡើយ។
កីឡាករ Fernado Torres, Samuel Eto’O និង Demba Ba ខ្សែប្រយុទ្ធរបស់តាខៀវ Chelsea
លោក Mourinho បាននិយាយថា
អ្វីដែលជាតម្រូេះការចាំបាច់របស់ក្លឹបគឺ កីឡាករខ្សែប្រយុទ្ធ
ដែលមានលទ្ធភាពស៊ុតបញ្ជូលទីគូប្រកួតខ្ពស់ ឬ
ជាអ្នកបង្កើតឱកាសល្អៗ សម្រាប់មិត្តរួមក្រុម
ទោះជាស្ថិតក្នុងស្ថានភាពបែបណាក៏ដោយ។ លោកក៏បានបន្ដទៀតផងដែរថា
មិនថាជួបជាមួួយក្រុមខ្លាំងជាង ឬ ខ្សោយជាង ឬ
ក្រុមដែលព្យាយាមការពារច្រើន ឬ ក្រុមដែលលេងកាចៗ
នោះទេយើងនៅតែនិយាយដដែលថាក្លឹបត្រូវការកីឡាករមានសមត្ថភាព
ខ្ពស់បែបនេះ។ទោះជាយ៉ាងណាក្ដីលោក Mourinho នៅមិនទាន់បានកំណត់ថាតើកីឡាកររូបណា ដែលគាត់យល់ថាមានសមត្ថភាពប្រយុទ្ធខ្ពស់ពេញចិត្តលោកនៅឡើយ ក្រៅពីមានពាក្យចចាមអារាមថា កីឡាករ Mario Mandzukic របស់ Bayern Munich កីឡាករ Diego Costa របស់ Atlético Madrid និងកីឡាករ Edinson Cavani របស់ Paris Saint-Germain ជាគោលដៅសំខាន់របស់ក្លឹបនៅរដូវក្ដៅខាងមុននេះ។
ដោយឡែកលោក Mourinho ក៏នៅមិនទាន់បានបញ្ជក់ឲ្យបានច្បាស់លាស់ពីអនាគតរបស់កីឡាករប្រ ធានក្រុម John Terry កីឡាករខ្សែការពារ Ashley Cole និងកីឡាករឆ្នើមរបស់ក្លឹប Frank Lampard នៅឡើយ ខណៈដែលកិច្ចសន្យារបស់កីឡាករទាំងបីរូបនេះនឹងត្រូវបញ្ចប់នាចុង រដូវកាលនេះ៕ DC
Post a Comment