បែកធ្លាយគម្រោងកែលំអកីឡដ្ឋាន Anfield របស់ក្លឹប Liverpool នៅឆ្នាំ ២០១៨ លើប្រព័ន្ធ Internet

គម្រោងការកែលំអរ ឬ សាងសង់កីឡាដ្ឋានថ្មីរបស់ក្លឹប Liverpool ដែលត្រូវបានក្លឹបចាត់ទុកថា ជាដំណឹងដែលមានការរឹតត្បិត និងសម្ងាត់បំផុតនោះត្រូវបានបែកធ្លាយតាមប្រព័ន្ធ Internet ដោយមិនគួរឲ្យជឿ។ ប្រភពដែលលេចធ្លាយនោះបានឲ្យដឹងថា ក្លឹប Liverpool ទំនងជាត្រូវចំណាយថវិការប្រមាណ ១៥០ លានផោនដើម្បីសម្រេចផែនការនោះ។
safe_image.php

ក្លឹបហង្សក្រហម Liverpool បានចំណាយពេលវេលាជាច្រើនឆ្នាំ ដើម្បីធ្វើការពិភាក្សាគ្នាក្នុងការរកកន្លែងថ្មី សម្រាប់រៀបចំការប្រកួត នៅពេលអនាគត បន្ទាប់ពីបានចំណាយពេលជាច្រើនឆ្នាំរួចមកក្លឹបក៏បានពិចារណាលើ ផែនការកសាងកីឡដ្ឋានថ្មីនៅតំបន់ Stanley Park។
ទោះជាយ៉ាងនេះក្តី គម្រោងដែលបានលេចធ្លាយកាលពីពេលថ្មីៗនេះ បានឲ្យដឹងថា Liverpool កំពុងធ្វើការយ៉ាងយកចិត្តទុកដាក់លើផែនការរៀបចំកែលំអរ កីឡាដា្ឋន Anfield របស់ខ្លួនទៅវិញ ដែលក្នុងនោះការរៀបចំធ្វើឲ្យកីឡដា្ឋនមួយនេះ ដើម្បីអាចផ្ទុកទស្សនិកជនបានច្រើនជាងមុន និងការកែលំ អរនានា ត្រូវបានគេជឿថា នឹងចំណាយអស់តិចជាការរៀបចំកសាងកីឡដ្ឋានថ្មី។
Andfield Plan

ការបែកធ្លាយក៏មិនគួរឲ្យជឿនេះបានបង្ហាញនូវរូបភាពគំរូរបស់ កីឡដ្ឋាន Anfield បន្ទាប់ពីបានរៀបចំកែលំអរួចនៅឆ្នាំ ២០១៨។ ភ្ជាប់ជាមួយគ្នានោះ ផែនការដែលបែកធ្លាយនោះបានឲ្យដឹងថា កីឡដ្ឋាន Anfield នឹងត្រូវបានគេរៀបចំ ដើម្បីអាចទទួលទស្សនិកជនប្រមាណ ៦០ ០០០ នាក់។ ក្នុងនោះផ្លូវចូលកីឡាករដ្ឋានក៏ត្រូវបានពង្រីកដែរ ដើម្បីបង្កើនចំណូលបន្ថែមដល់ក្លឹប។
Liverpool ក៏មានគម្រោងផ្សព្វផ្សាយព័ត៌មានផ្លូវការមួយចំនួនទាក់ទងនឹង គម្រោងការថ្មីនេះ ក្នុងរយៈពេល ២-៣ ថ្ងៃខាងមុន ប៉ុន្ដែការបែកធ្លាយដោយចៃដន្យមួយនេះ អាចនឹងជម្រុញឲ្យក្លឹបធ្វើការផ្សព្វផ្សាយព័ត៌មានផ្លូវការនេះ ឆាប់ជាងអ្វីដែលគេរំពឹងទុក៕ DC
liverpool-anfield-i13178