Liverpool យល់ព្រមលើតម្លៃខ្លួន២៩លានផោនដើម្បីទិញ Roberto Firmino

ក្លិប Liverpool បានយល់ព្រមលើកិច្ចព្រមព្រៀងគ្នាមួយដើម្បីចុះហត្ថលេខាជាមួយនឹងខ្សែប្រយុទ្ធអន្តរជាតិប្រេស៊ីល Roberto Firmino ពីក្លិប Hoffenheim ក្នុងតម្លៃខ្លួន២៩លានផោន (ស្មើនឹង៤៥,៦៥លានដុល្លារអាមេរិក)។ កីឡាករវ័យ២៣ឆ្នាំរូបនេះ ដែលបច្ចុប្បន្ន កំពុងតែលេងឲ្យប្រទេសរបស់គេក្នុងព្រឹត្តិការណ៍ Copa America ក្នុងប្រទេសស៊ីលីនោះ នឹងត្រូវតែទទួលបានការអនុញ្ញាតឲ្យធ្វើការនៅអង់គ្លេសជាមុនសិន។ លោក Ian Ayre ប្រធានក្លិបរបស់ Liverpool កំពុងតែស្ថិតក្នុងប្រទេសស៊ីលដើម្បីធ្វើការពិភាក្សាទៅលើកិច្ចសន្យារយៈពេល៥ឆ្នាំក្នងក្លិបដែលស្ថិតក្នុងក្របខ័ណ្ឌ Premier League មួយនេះ។ Firmino ត្រូវបានគេយល់ឃើញថា បានយល់ព្រមទៅលើលក្ខខណ្ឌផ្សេងៗហើយ ហើយនិងត្រូវក្លាយជាកីឡាករដែលមានតម្លៃខ្លួនខ្ពស់បំផុតលំដាប់ទី២របស់ Liverpool។ ក្លិបមានមូលដ្ឋាននៅ Anfield មួយនេះ បានធ្វើឲ្យខ្សែប្រយុទ្ធ Andy Carroll ក្លាយជាកំណត់ត្រានៃការទិញចូលកីឡាករថ្មីរបស់ពួកគេ នៅពេលដែលរូបគេបានចូលរួមជាមួយនឹងក្លិប Liverpool ក្នុងតម្លៃខ្លួន៣៥លានផោនពីក្លិប Newcastle កាលពីឆ្នាំ២០១១ ខណៈដែលខ្សែបម្រើ Adam Lallana ត្រូវបានទិញចូលពីក្លិប Southampton ក្នុងតម្លៃខ្លួន២៥លានផោនកាលពីឆ្នាំ២០១៤។ 
 ចុះភ្លាមទទួលបាន ទឹកប្រាក់ស្វាគមន៍ 9.00$ ភ្លែត ដោយឥតលក្ខខណ្ឌ័ ចុះទីនេះ! 
កាលពីពេលថ្មីៗនេះ Liverpool ទើបតែបានចុះហត្ថលេខាជាមួយនឹងខ្សែប្រយុទ្ធ Danny Ings របស់ក្លិប Burnley ខណៈដែលអ្នកចាំទី Adam Bogdan ខ្សែការពារ Joe Gomez និងខ្សែបម្រើ James Milner ក៏ត្រូវបានទិញចូលផងដែរ។ ហង្សក្រហមក៏បានច្រានចោលសំណើ២របស់ក្លិប Man City ផងដែរសម្រាប់ការទិញខ្សែបម្រើប្រយុទ្ធអន្តរជាតិអង់គ្លេស Raheem Sterling។ Firmino ដែលបានស៊ុតបាល់បញ្ចូលទី៤៩គ្រាប់ក្នុងការបង្ហាញខ្លួន១៥៣លើកសម្រាប់ក្លិប Hoffenheim នោះ ក៏បានស៊ុតបាល់បញ្ចលទីផងដែរសម្រាប់ប្រេស៊ីល ក្នុងពេលពួកគេទទួលជ័យជម្នះ ២-១ លើក្រុមជម្រើសជាតិវ៉េណេស៊ុយអេឡា ក្នុងការប្រកួត Copa America កាលពីថ្ងៃអាទិត្យ៕

ប្រភពព័ត៌មាន៖ BBC