Isco និង Oscar កំពុងស្ថិតក្នុងការប្រមាញ់ទិញរបស់ Juventus

លោក Massimiliano Allegri បានបញ្ជាក់ថា ក្លិប Juventus កំពុងតែស្ថិតក្នុងទីផ្សារដើម្បីនាំយកខ្សែបម្រើប្រយុទ្ធ
ថ្មីម្នាក់ ហើយលោកបានចាត់ទុកខ្សែបម្រើដ៏ឆ្នើម Isco របស់ក្លិប Real Madrid និងតារាឆ្នើម Oscar របស់ Chelsea គឺជាគោលដៅទិញជាសក្តានុពល។ ក្រុមម្ចាស់ជើងឯកក្របខ័ណ្ឌ Serie A និងម្ចាស់ជើងឯក Coppa Italia មួយនេះ ស្ទើរតែបានឈ្នះពានរង្វាន់បីក្នុងរដូវកាលឆ្នាំ២០១៤-២០១៥ ទៅហើយ ប៉ុន្តែ បានចាញ់ក្រោមស្នាដៃក្រុមម្ចាស់ជើងឯកអេស្ប៉ាញ Barcelona ក្នុងការប្រកួតក្របខ័ណ្ឌ Champions League វគ្គផ្តាច់ព្រ័ត្រ។

ខណៈដែលខ្សែប្រយុទ្ធ Carlos Tevez នឹងត្រូវផ្ទេរទៅកាន់ក្លិប Boca Juniors ហើយខ្សែបម្រើ Andrea Pirlo ត្រូវបានរំពឹងថា នឹងផ្ទេរទៅកាន់ក្លិប New York City លោក Allegri ពិតជាចង់បង្កើនការលេងក្នុងក្រុមរបស់លោកនៅរដូវកាលក្រោយ ពិសេសរកអ្នកជំនួសតារាឆ្នើមៗដែលបានចាកចេញ។ លោកបានប្រាប់កាសែត La Repubbica ថា៖ «ខ្ញុំពិតជាចង់ក្លាយជាអ្នកច្នៃប្រឌិតក្នុងកីឡាបាល់ទាត់ម្នាក់ ពីព្រោះអ្នកគាំទ្រនឹងមិនមានអារម្មណ៍ធុញទ្រាន់ឡើយ។ ការអនុញ្ញាតមួយក្នុងជម្រើសទាំង១១នាក់ដំបូងអាចនឹងនាំឲ្យតុល្យភាពនៅលើតារាង»។ គ្រូបង្វឹករូបនេះបានបន្ថែមទៀតថា៖ «តារាឆ្នើមៗក្នុងចំនួនសមរម្យនឹងធ្វើឲ្យមានផល់អាក្រក់ក្នុងក្រុមឡើយ។ ខ្ញុំចូលចិត្ត Isco របស់ Real Madrid និងខ្សែបម្រើអន្តរជាតិប្រេស៊ីល Oscar ខណៈដែលក្នុងចំណោមតារាវ័យក្មេងរបស់អ៊ីតាលី ខ្ញុំកំពុងតែធ្វើការកោតសរសើរទៅលើ Berardi និង Bernardeschi»៕