ចង់​ឱ្យ​ក្រុម​កម្ពុជាចាប់​ឆ្នោត​ពូល World Cup ជុំ​ទី២ ប្រចាំ​ទ្វីប​អាស៊ី ជួប​ក្រុម​ណា​ខ្លះ?

វគ្គ​ជម្រុះ​ជុំ​ទី២ ពាន​រង្វាន់ 2018 FIFA World Cup Russia ប្រចាំ​ទ្វីប​អាស៊ី នឹង​ចាប់​ឆ្នោត​នៅ​ថ្ងៃ​ទី ១៤ ខែ មេសា ឆ្នាំ ២០១៥ ខាង​មុខ​នេះ​ហើយ នៅ​ទីស្នាក់ការ​សហព័ន្ធ​កីឡា​បាល់ទាត់​អាស៊ី (AFC) ក្នុង​ទីក្រុង​កូឡាឡាំពួរ ​ប្រទេស​ម៉ាឡេស៊ី។

សម្រាប់​វគ្គ​ជម្រុះ​ជុំ​ទី២ នេះ​នៅ​សល់​ប្រទេស​ចំនួន ៤០ ចែក​ជា ៨ ពូល ក្នុង ១ ពូល​មាន ៥ ក្រុម ដោយ​ចាប់​ប្រកួត​ពី​ថ្ងៃ​ទី ១១ ខែ មិថុនា ឆ្នាំ ២០១៥ ដល់ ២៩ ខែ មីនា ឆ្នាំ ២០១៦​ ដោយ​ប្រើ​រូបមន្ត​ប្រកួត Home/Away។ ក្រុម​តាម Pot (តារាង​ខាង​ក្រោម) នីមួយៗ នឹង​ត្រូវ​​ចាប់​ឆ្នោត​ជ្រើស​ចេញ​ម្ដង​ទៅ​នៅ​ពូល​ជាមួយ​គ្នា។ ឧទាហរណ៍ មួយ​ពូល​ត្រូវ​មាន​ក្រុម​នៅ Pot1 ១ ក្រុម​, Pot2 ១ ក្រុម, Pot3 ១ ក្រុម, Pot4 ១ ក្រុម​ និង Pot5 ១ ក្រុម។

  ក្រុម​ជម្រើសជាតិកម្ពុជា កាលពីជួបជាមួយម៉ាកាវ

សម្រាប់​គំនិត​ប្រិយមិត្ត​ផ្ទាល់ តើ​ចង់​ឱ្យ​កម្ពុជា ចាប់​ឆ្នោត​ជួប​ជាមួយ​ក្រុម​ណា​ខ្លះ?

Pot1	អ៊ីរ៉ង់ ជប៉ុន កូរ៉េខាងត្បូង អូស្ត្រាលី អារ៉ាប់រួម អ៊ូបេគីស្ថាន ចិន អ៊ីរ៉ាក់
Pot2	អូម៉ង់ អារ៉ាប៊ីសាអ៊ូឌីត កាតារ ហ្សកដានី បារ៉ែន វៀតណាម គុយវ៉ែត ស៊ីរី
Pot3	អាហ្វហ្គានីស្ថាន ថៃ ហ្វីលីពីន ប៉ាឡេស្ទីន ម៉ាល់ឌីវ តាហ្ស៊ីគីស្ថាន លីបង់ ឥណ្ឌា
Pot4	ទីម័រខាងកើត គីហ្ស៊ីគីស្ថាន កូរ៉េខាងជើង មីយ៉ាន់ម៉ា ទួរមេនីស្ថាន ប៊ូតាន់ សិង្ហបុរី ឥណ្ឌូណេស៊ី
Pot5	ម៉ាឡេស៊ី ហ្គាម បង់ក្លាដេស ហុងកុង យេមែន ឡាវ ចិនតៃវ៉ាន់ កម្ពុជា