កីឡាករ Blind ពាក់អាវលេខ ១៧ សម្រាប់ក្លឹប Manchester United

ថ្មីៗនេះ​ កីឡាករ Daley Blind ដែលក្លឹប Manchester United ទើបតែទិញមកនោះនឹងពាក់អាវលេខ ១៧ សម្រាប់ការប្រកួតនៅលើទឹកដី Old Trafford ។

កីឡាករខ្សែការពាររបស់ក្លឹប Ajax នេះបានចុះកុងត្រាក្នុងតម្លៃ ១៤ លានផោននៅក្នុងថ្ងៃចុងក្រោយនៃការទិញលក់ ចំនែកកីឡាករ​Nani ក៏បានទៅលេងនៅក្នុងក្លឹប Sporting Lisbon សម្រាប់ការខ្ចីជើងនៅក្នុងរដូវកាល 2014-15 ផងដែរ។

ចំនែកកីឡាករ Blind បានចូលលេងនៅក្នុងក្លឹប Man Utd សម្រាប់ការប្រកួតជាមួយនឹងក្លឹប QPR នៅថ្ងៃទី ១៤ ខែកញ្ញាខាងមុខនេះ។

កីឡាករ Blind អាចលេងជាខ្សែបំរើ ប្រយុទ្ធ និងខ្សែការពារខាងឆ្វេងបានយ៉ាងល្អ ហើយគាត់គឺជាកីឡាករកំពូលរបស់ក្លឹប Ajax ផងដែរ។​