សមាជិកថ្មី Costa ស៊ុតចូល១គ្រាប់ឯ Fabregas បញ្ជូនបាល់ឱ្យមិត្តរួមក្រុមស៊ុតចូល២គ្រាប់ក្នុងជ័យជម្នះរបស់តោខៀវយប់មិញ
សមាជិកថ្មីរបស់ក្រុមតោខៀវ Chelsea សុទ្ធតែធ្វើបានល្អរៀងៗខ្លួនក្នុងការបង្ហាញខ្លួនលើកដំបូងរបស់ពួកគេក្នុងក្របខ័ណ្ឌ Barclays Premier League ដោយខ្សែប្រយុទ្ធ Diego Costa ស៊ុតចូលមួយគ្រាប់ហើយខ្សែបម្រើ Cesc Fabregas បញ្ជូនបាល់(assist)ឱ្យមិត្តរួមក្រុមស៊ុតចូល២គ្រាប់ក្នុងជ័យជម្នះ៣-១របស់តោខៀវលើក្រុមចំណូលថ្មី Burnley នៅកីឡដ្ឋាន Turf Moor យប់មិញ។
ក្រុមម្ចាស់ផ្ទះ Burnley ជាអ្នកនាំមុខមុនក្នុងនាទីទី១៤ដោយខ្សែបម្រើ Scott Arfield ដែលវ៉ុលឡេមួួជើងក្នុងប្រអប់ឱ្យអ្នកចាំទី Thibaut Courtois បានត្រឹមឈរមើល។ តែសេចក្ដីសប្បាយរីករាយរបស់ក្រុមម្ចាស់ផ្ទះកើតមានមិនបានយូរឡើយ ពោលគឺ៣នាទីបន្ទាប់មក Costa ស៊ុតយកស្មើឱ្យក្រុមតោខៀវវិញ មុនពេល Andre Schurrle បន្ថែមគ្រាប់ទី២ក្នុងនាទីទី២១ និង Branislav Ivanovic ស៊ុតគ្រាប់ទី៣ដែលជាគ្រាប់ចុងក្រោយក្នុងការប្រកួតនៅនាទីទី៣៤។ ខ្សែបម្រើជម្រើសជាតិអេស្ប៉ាញ Fabregas ដែលទើបផ្លាស់មកពី Barcelona ត្រូវបានជ្រើសរើសជា Man of the Match សម្រាប់ការប្រកួតនេះ។ ឥឡូវនេះ Chelsea ឈរកំពូលតារាងបណ្ដោះអាសន្ន មាន៣ពិន្ទុដូច Man City, Arsenal, Liverpool, Swansea, Aston Villa, Hull City និង Spurs ដែរតែលើសគ្រាប់ស៊ុតចូល។
Post a Comment