Alvaro Morata រងរបួសជង្គង់ពេលចូលហ្វឹកហាត់ថ្ងៃទី១នៅ Juventus

12:01 PM កីឡាអន្តរជាតិ

ខ្សែប្រយុទ្ធវ័យក្មេងសញ្ជាតិអេស្ប៉ាញ Alvaro Morata ដែលទើបផ្លាស់ពី Real Madrid មក Juventus ក្នុងតម្លៃ២០លានអឺរ៉ូ(២៧លានដុល្លារអាមេរិក)កាលពីថ្ងៃអាទិត្យ បានរងរបួសជង្គង់អំឡុងពេលចូលហ្វឹកហាត់ថ្ងៃទី១នៅក្លិបថ្មី។

ក្រុម Juventus បញ្ជាក់ថាខ្សែប្រយុទ្ធវ័យ២១ឆ្នាំដែលបានចុះកិច្ចសន្យា៥ឆ្នាំ ម្សិលម្ង៉ៃ នឹងទទួលការស្គែននៅថ្ងៃអង្គារនេះដើម្បីពិនិត្យមើលបន្ថែមឱ្យ ច្បាស់ត្រង់កន្លែងរបួស។

ម្ចាស់ជើងឯកលីកកំពូលអ៊ីតាលី៣០សម័យនឹងបើកយុទ្ធនាការប្រកួត ទេសចរណ៍ត្រៀមបើករដូវកាលនៅឥណ្ឌូណេស៊ីនាថ្ងៃទី៦សីហាខាងមុខនេះ ក្រោមការដឹកនាំរបស់គ្រូបង្វឹកថ្មី Massimiliano Allegri៕