អត់មានកីឡាករខ្សែប្រយុទ្ធឆ្នើម Radomel Falcao តើកូឡុំប៊ីអាចបំបាក់ក្រិចបានឬទេ?

10:13 PM កីឡា, កីឡាអន្តរជាតិ

ការប្រកួតគូទី៥ នៅក្នុងក្របខណ្ឌ FIFA World Cup 2014 រវាងក្រុមមកពីតំបន់អាមេរិកឡាទីន (កូឡុំប៊ី) ជួបជាមួយក្រុមមកពីតំបន់អឺរ៉ុប (ក្រិច) នឹងត្រូវធ្វើឡើងនៅក្នុងទឹកដីនៃកីឡាដ្ឋាន Estadio Mineirao នៃទីក្រុង Belo Horizonte ដែលអាចផ្ទុកទស្សនិកជនបានរហូតដល់ទៅ ៥៨ ២៥៩ នាក់។ ការប្រកួតនេះនឹងត្រូវធ្វើឡើងនៅវេលាម៉ោង ១១:០០ យប់ (ម៉ោងនៅកម្ពុជា) ថ្ងៃទី ១៤ ខែមិថុនា ឆ្នាំ ២០១៤នេះ។

វិភាគលើក្រុមទាំងពីរ

នេះប្រហែលជាការប្រកួតដ៏គួរឲ្យចាប់អារម្មណ៍មួយ ខណៈដែលក្រុមម្ខាង (កូឡុំបី) រៀបចំយុទ្ធសាស្រ្តប្រយុទ្ធ (៣-៤-៣) ចំណែកម្ខាងទៀត (ក្រិច) ផ្ដោតលើការការពារទៅវិញ (៤-៥-១) ប្រសិនបើមានធ្វេសប្រហែលបន្ដិចគ្រាប់បាល់អាចនឹងកើតឡើងភ្លាមមិន ថាខាងក្រុមកូឡុំប៊ី ឬ ក្រិចឡើយ។

អវត្តមានកីឡាករខ្សែប្រយុទ្ធឆ្នើម Radomel Falcao អាចជាឧបសគ្គមួយយ៉ាងធំសម្រាប់កូឡុំប៊ីក្នុងការប៉ុនប៉ងដណ្ដើម យក ៣ ពិន្ទុពីក្រិច ប៉ុន្ដែទោះជាយ៉ាងណាក្ដីក៏ថ្វីជើងរបស់កីឡាករ Teófilo Gutiérrez និង James Rodriguez មិនអន់ជាង Falcao ប៉ុន្មានដែរ។

កង្វល់ធំជាងគេរបស់ក្រិចគឺអ្នកចាំទីមិនសូវមានគុណភាព ហេតុដូចនេះហើយទើបក្រិចប្រើខ្សែបម្រើរហូតដល់ទៅ ៥ នាក់ដើម្បីធ្វើយ៉ាងណាបង្កើនការលេងនៅតំបន់កណ្ដាលឲ្យបានច្រើន រងចាំឱកាសល្អវាយបកលឿនៗទៅលើកូឡុំប៊ីវិញ។

សម្រាប់ការប្រកួត ៧ លើកចុងក្រោយក្នុងក្របខណ្ឌ FIFA World Cup ក្រិចមិនស្គាល់ពាក្យថាបរាជ័យឡើយ។

ជម្រើសទាំង ២៣ នាក់របស់ក្រុមទាំងពីរ

ទម្រង់លេងរបស់ក្រុមទាំងពីរ និងជម្រើសទាំង ១១ នាក់សម្រាប់ការប្រកួតនេះ (possible)

ទម្រង់លេងរបស់ក្រុមជម្រើសជាតិកូឡុំប៊ី៖ ៣-៤-៣

ទម្រង់លេងរបស់ក្រុមជម្រើសជាតិក្រិច៖ ៤-៥-១

ប្រវត្តិជួបគ្នា ៤ លើកចុងក្រោយរវាងក្រុមទាំងពីរ
ក្រុមទាំងពីរមិនសូវបានជួបគ្នានោះទេ បើយោងទៅតាមគេហទំព័ររបស់ FIFA បានឲ្យដឹងថាក្រុមទាំងពីរធ្លាប់ជួបគ្នាមួយលើកដោយក្រុមជម្រើស ជាតិកូឡុំប៊ីបានបំបាក់ក្រុមជម្រើសជាតិក្រិចដោយលទ្ធផល ២ ទល់នឹង ០។

លទ្ធផលនៃការប្រកួត ៦ លើកចុងក្រោយរបស់ក្រុមទាំងពីរ

ទស្សន៍ទាយលទ្ធផលនៃការប្រកួតដោយ

Colombia (2-0) Greece

គ្រាប់ត

Colombia (-1) Greece