Ivory Coast Vs. Japan ពិតជាគូដែលពិបាកសម្រេចចិត្តមែន

ការប្រកួតគូទី៨ នៅក្នុងក្របខណ្ឌ FIFA World Cup 2014 រវាងក្រុមមកពីតំបន់អាព្រិច (កូឌីវ័រ) ជួបជាមួយក្រុមមកពីតំបន់អាស៊ី (ជប៉ុន) នឹងត្រូវធ្វើឡើងនៅក្នុងទឹកដីនៃកីឡាដ្ឋាន Arena Pernambuco នៃទីក្រុង Recife ដែលអាចផ្ទុកទស្សនិកជនបានរហូតដល់ទៅ ៤៥ ២៨៣ នាក់។ ការប្រកួតនេះនឹងត្រូវធ្វើឡើងនៅវេលាម៉ោង ០៨:០០ ព្រឹក (ម៉ោងនៅកម្ពុជា) ថ្ងៃទី ១៥ ខែមិថុនា ឆ្នាំ ២០១៤នេះ។
Côte d'Ivoire Vs Japan

វិភាគលើក្រុមទាំងពីរ

ក្រុមជម្រើសជាតិកូឌីវ័រ ឬ Ivory Coast មិនមែនជាក្រុមធម្មតាឡើង ក្រុមនេះអាចបង្ករព្យុះភ្លៀងបានគ្រប់ពេលដល់ដៃគួប្រកួតរបស់ ខ្លួន ជាមួយនឹងកីឡាករឆ្នើមៗមួយចំនួនដូចជា Yaya Toure, Gervinho និង Didier Drogba ពិតជាកង្វល់ដ៏ធំរបស់ក្រុមសាមុរ៉ៃជប៉ុន ដែលមានខ្សែការពារមិនសូវរឹងមាំ ប៉ុន្ដែជប៉ុនមានអ្នកចាំទីល្អ Kawashima។
កីឡាករខ្សែបម្រើល្អមួយចំនួនដូចជា Shinji Kagawa, Keisuke Honda និង Hiroshi Kiyotake របស់ជប៉ុនគឺជាក្ដីកង្វល់ដ៏ធំរបស់ក្រុម Ivory Coast សម្រាប់ការប្រកួតលើកនេះ ខណៈដែលខ្សែការពាររបស់ក្រុមមកពីអាព្រិកមួយនេះល្បីថាមិនសូវ រឹងមាំដូចគ្នា។
ក្រុមទាំងពីរមានយុទ្ធសាស្រ្តប្រយុទ្ធ និងកីឡាករប្រយុទ្ធឆ្នើមៗដូចគ្នា ប៉ុន្ដែមានខ្សែការពារមិនសូវល្អដូចគ្នា ដូចនេះការប្រកួតយប់នេះទំនងជាមានគ្រាប់បាល់ច្រើនគ្រាប់កើត ឡើងក្នុងរយៈពេល ៩០ នាទីនៃការប្រកួត។
Ivory Coast មិនធ្លាប់ស្គាល់ពាក្យថាបរាជ័យម្ដងណាឡើងសម្រាប់ការប្រកួត ៩ លើកចុងក្រោយក្នុងក្របខណ្ឌ FIFA World Cup

ជម្រើសទាំង ២៣ នាក់របស់ក្រុមទាំងពីរ