Chelsea កំពុងតាមប្រមាញ់ Paulinho ពីក្រុម Tottenham

បើយោងតាមរបាយការណ៍នៅក្នុងប្រទេសប្រេស៊ីល បានបញ្ជាក់ឲ្យដឹងថាខ្សែបម្រើអន្តរជាតិប្រេស៊ីល Paulinho របស់ ក្រុម Tottenham ត្រូវបានកំណត់រួចរាល់ទៅហើយថានឹងទៅចូលរួមជាមួយក្រុមតោខៀវ Chelsea នៅចុងបញ្ចប់នៃរដូវកាលនេះ ។ Paulinho បានផ្លាស់ទៅទឹកដី White Hart Lane កាលពីរដូវក្តៅ មុនហើយគាត់បរាជ័យមិនបានជាប់ជា ជម្រើស ១១នាក់ដំបូងរបស់ក្រុមទៀតទាត់នោះទេ នៅក្នុងអំឡុង ពេលស្នាក់នៅភាគខាងជើងទីក្រុងឡុងដ៍ ។
Paulinho-1

ហើយឥឡូវនេះគេហទំព័ររបស់ប្រេស៊ីល Lancenet បានផ្ទុះព័ត៌មាននៃការផ្លាស់ប្ដូរ Paulinho របស់ក្រុមមាន់ខ្នាយមាសចុងខែកក្កដានេះ ហើយថែមទាំងបាននិយាយថាក្រុមតោខៀវ Chelsea បានត្រៀមខ្លួនរួច រាល់ហើយ ដើម្បីចាប់គាត់ឲ្យចាកចេញពីទឹកដី White Hart Lane នៅរដូវក្តៅនេះ ។ វាត្រូវបានគេគិតថាកិច្ច ព្រមព្រៀងនេះនឹងត្រូវបានកីឡាកររូបនេះយល់ព្រមនៅក្នុងពេលប៉ុន្មានថ្ងៃចុងក្រោយនេះដោយមានលោក Jose Mourinho ជាអ្នកចង់បានការផ្ទេរដោយធានាសុវត្ថិភាពមួយមុនពេលចុងបញ្ចប់នៃរដូវកាលនេះ។

Paulinho បានយល់ព្រមឈប់ពីក្រុមមាន់ខ្នាយមាសសម្រាប់ទៅចូលរួមជាមួយក្រុម Chelsea នឹងទទួលយកការចុះហត្ថលេខាជាក់ស្តែងមួយជាមួយក្លឹបថ្មីរបស់គាត់ ។ អ្នកចាត់ការទូទៅលោក Jose Mourinho បានបញ្ចេញកាយវិការ ក្នុងអំឡុងពេលការប្រកួតក្របខ័ណ្ឌ Barclay Premier League រវាងក្រុម Hull City និងក្រុម Chelsea នៅឯពហុកីឡដ្ឋាន KC កាលពីថ្ងៃទី១១ ខែមករា ឆ្នាំ២០១៤ នៅក្នុងប្រទេសអង់គ្លេស ។ លោក Jose Mourinho ត្រូវបានគេនិយាយថាបានធ្វើកាយវិការគាំទ្រទៅដល់ Paulinho ដើម្បីឲ្យមានការ ផ្លាស់ប្តូរចេញពីទឹកដី White Hart Lane ។ កីឡាករវ័យ ២៥ឆ្នាំរូបនេះ ត្រូវបានផ្សារភ្ជាប់យ៉ាងខ្លាំងជាមួយ ការប្ដូរឲ្យចេញឆ្ងាយពីក្រុម Tottenham ហើយបច្ចុប្បន្ននេះក្រុម Roma ជាមួយនិង ក្រុម Real Madrid កំពុងតែតាមដានគាត់ដូចគ្នា។