Burnley ឡើងមកលេង Premier League ដោយស្វ័យប្រវត្តិតាម Leicester City
ក្រុម Burnley FC ត្រូវបានដំឡើងពីក្របខ័ណ្ឌ Championship មកលេងនៅក្របខ័ណ្ឌកំពូល Premier League ដោយស្វ័យប្រវត្តិតាមក្រុម Leicester City បន្ទាប់ពីពួកគេយកឈ្នះ Wigan Athletic ២-០ ម្សិលមិញ។
មុនកែបាល់នៅកីឡដ្ឋាន Turf Moor ម្សិលមិញ ក្រុមដែលបង្វឹកដោយលោក Sean Dyche ដឹងយ៉ាងច្បាស់ថាជ័យជម្នះនឹងធានាកៅអីនៅ Premier League រដូវកាល២០១៤-១៥ដល់ពួកគេ ហើយពួកគេធ្វើបានសម្រេចដូចការតាំងចិត្តមែន។ ខ្សែប្រយុទ្ធអូទ្រីស Ashley Barnes បើកការនាំមុខក្នុងនាទីទី២២ ហើយខ្សែបម្រើ Michael Kightly ដែលខ្ចីមកពី Stoke City បង្កើនការនាំមុខ១គ្រាប់ទៀតក្នុងនាទីទី៤២ នាំឱ្យអ្នកគាំទ្ររបស់ពួកគេហ៊ោកញ្ជ្រៀវអបអរចំពោះការវិលទៅកាន់លីកលំដាប់ទី១របស់អង់គ្លេសវិញជាលើកដំបូងបន្ទាប់ពីអវត្តមាន៤ឆ្នាំរួចមក។
ខណៈការប្រកួតនៅសល់តែ២ដងទៀត ក្រុម Burnley កំពុងឈរលេខ២ក្នុងតារាង នាំមុខក្រុមលេខ៣ Derby County ចំនួន៨ពិន្ទុ ខណៈក្រុមកំពូលតារាង Leicester City F.C. ដែលមានម្ចាស់ជាសេដ្ឋីជនជាតិថៃ ជាប់អូតូមុននេះរួចទៅហើយ៕
Post a Comment