Adnan Januzaj សម្រេចចិត្តចូលលេងឲ្យក្រុមជម្រើសជាតិប៊ែលហ្សិក

កីឡាករ Adnan Januzaj ខ្សែបម្រើវ័យក្មេងរបស់ក្លឹប Manchester United បានសម្រេចចិត្តចូលរួមជាមួយនឹងក្រុមជម្រើសជាតិប៊ែលហ្សិកហើយ ក្នុងការប្រកួត World Cup 2014 នៅប្រទេសប្រស៊ីល នាខែមិថុនាខាងមុខ។

កីឡាករវ័យក្មេង Adnan Januzaj ដែលបានផ្ទេរមកលេងឲ្យក្លឹប Manchester United កាលពីឆ្នាំ ២០១១ ពីក្លឹប Anderlecht របស់ប៊ែលហ្សិក ក្នុងតម្លៃផ្ទេរប្រមាណតែ ២៩៧ ០០០ ផោនប៉ុណ្ណោះ។ កីឡាករវ័យ ១៩ ឆ្នាំរូបនេះ កើតនៅក្នុងទីក្រុងព្រុចសែល រាជធានីនៃប្រទេសប៊ែលហ្សិក ដោយមានឪពុកម្ដាយជាជនជាតិ កូសូវ៉ូ និង អាល់បានី ដែលអាចមានសិទ្ធិចូលលេងឲ្យក្រុមជម្រើសជាតិ ប៊ែលហ្សិក កូសូវ៉ូ អាល់បានី តួគី ស៊ែប៊ី ព្រមទាំងអស់គ្លេសផងដែរប្រសិនកីឡាកររូបនេះបន្តរស់នៅក្នុងប្រ ទេសនេះរហូតដល់ឆ្នាំ ២០១៨។
ពេលនេះ Januzaj កំពុងត្រូវបានពិចារណាជ្រើសរើសឲ្យចូលរួមក្នុងបញ្ជីកីឡាករទាំង ៣០ រូបរបស់ ប៊ែលហ្សិក ដែលត្រូវធ្វើដំណើរទៅកាន់ប្រទេសប្រេស៊ីល នៅខែមិថុនាខាងមុខនេះ។ កីឡាករវ័យក្មេងនេះមិនធ្លាប់បានបង្ហាញខ្លួនជាផ្លូវការឲ្យក្រុម ជម្រើសជាតិណាមួយនៅឡើយ គ្រាន់តែធ្លាប់បានកោះហៅឲ្យចូលរួមជាមួយក្រុមជម្រើសជាតិកូសូវ៉ូក្នុងការប្រកួតមិត្តភាពជាមួយនឹងក្រុមជម្រើសជាតិហៃទី កាលពីខែមីនាកន្លងទៅនេះ។

Januzaj មានសិទ្ធិអាចចូលលេងឲ្យក្រុមជម្រើសជាតិអាល់បានី ដោយសារតែគាត់មានឪពុកម្ដាយដែលជាជនជាតិអាល់បានី ហើយគាត់មានសិទ្ធិអាចចូលលេងឲ្យក្រុមជម្រើសជាតិតួគី ដោយសារតែជីដូនជីតារបស់គាត់មានដើមកំណើតតួគី។ កីឡាករវ័យ ១៩ ឆ្នាំរូបនេះ មានសិទ្ធិអាចចូលលេងឲ្យក្រុមជម្រើសជាតិស៊ែប៊ី ឬ កូសូវ៉ូ ដោយសារតែក្រុមគ្រួសារ និងឪពុកម្ដាយរបស់គាត់រស់នៅក្នុងទឹកដីនៃប្រទេសកូសូវ៉ូ ដែលជាអតីតទឹកដីរបស់ស៊ែប៊ី ដែលកូសូវ៉ូ ទើបនឹងបានប្រកាសឯករាជ្យពីស៊ែប៊ីកាលពីឆ្នាំ ២០០៨។
Januzaj បានបង្ហាញខ្លួនជាលើកដំបូងក្នុងឈុតធំ នៃក្លឹប Manchester United កាលពីខែ កញ្ញា ឆ្នាំ ២០១៣ ដែលគាត់ត្រូវបានប្ដូរឲ្យចូលលេង ក្នុងការប្រកួតជាមួយ Crystal Palace ក្នុងទឹកដី Old Trafford៕ DC
januzaj Vs CP