Diego Simeone នឹងធ្វើឱ្យក្លឹប Chelsea ប្រែប្រួលខ្លាំងបំផុត ប្រសិនបើគាត់ពិតជាក្លាយជាគ្រូបង្វឹកថ្មីនៅក្លឹបនេះ

12:47 PM កីឡាអន្តរជាតិ

លោក Diego Simeone បានត្រៀមខ្លួនរួចរាល់ហើយប្រសិនបើក្លឹប Chelsea ពិតជាផ្លាស់ប្តូរគ្រូបង្វឹកថ្មីមែននៅរដូវក្តៅនេះ ហើយគាត់នឹងធ្វើឱ្យក្លឹបតោខៀវ Chelsea មួយនេះប្រែប្រួលខ្លាំងបំផុត។ គ្រូបង្វឹក Simeone បច្ចុប្បន្នដឹកនាំក្លឹប Atletico Madrid ត្រូវបានគេដឹងថាជាបេក្ខភាពដែលសក្តិសមសម្រាប់ជំនួសកន្លែងរបស់ Jose Mourinho ។

Simeone បានបង្ហាញពីក្តីព្រួយបារម្ភអំពីខ្សែប្រយុទ្ធបច្ចុប្បន្នរបស់ក្លឹប Chelsea ហើយគាត់ជឿជាក់ថា ក្លឹបមួយនេះត្រូវការចំណាយលុយមួយចំនួនធំដើម្បីធ្វើឱ្យក្លឹប មួយនេះរឹងមាំឡើងវិញនៅរដូវទិញលក់កីឡាករខាងមុខនេះ។ ចំនែកម្ចាស់ក្លឹប Chelsea លោក Roman Abramovich នៅតែចង់ទុកឱកាសឱ្យគ្រូបង្វឹក Chelsea ស្តារកិត្តិយសឡើងវិញជាជាងរកគ្រូបង្វឹកថ្មីជំនួសគាត់។

ក្រោយមការដឹកនាំរបស់គ្រូបង្វឹក Jose Mourinho រយៈពេល 12 ប្រកួតគឺចាញ់ 7 ប្រកួតហើយចំណាត់ថ្នាក់វិញគឺនៅតែជិតដល់តំបន់កាត់ចោលដដែល។ ការប្រកួតជើងក្រោយនេះ ក្លឹប Chelsea នឹងត្រូវប្រកួតជាមួយនឹងក្លឹប Norwich ហើយវាជាឱកាសដែលលោក Mourinho ត្រូវតែដឹកនាំក្លឹប Chelsea យកឈ្នះការប្រកួតមួយនេះ៕