ក្រុមអាហ្គានីស្ថានតែងតាំងគ្រូបង្វឹកថ្មីត្រៀមប៉ះកម្ពុជា

ក្រុមជំរើសជាតិអាហ្គានីស្ថានបានតែងតាំងអតីតគ្រូបច្ចេកទេសលោក Petar Segrt ជាគ្រូបង្វឹកក្រុមជំរើសជាតិថ្មី។

បុរសក្រូអាតវ័យ៤៩ឆ្នាំនេះបានជំនួសតំណែងលោក Slaven Skeledzic ដែលបានចាកចេញក្រោយដឹកនាំត្រឹមពេលខ្លីចាប់តាំងពីតែងតាំងនៅ ខែកុម្ភៈឆ្នាំនេះ។ការងាររបស់គាត់នឹងត្រូវដឹកនាំក្រុមជំរើសជាតិ ប៉ះក្រុមជំរើសជាតិកម្ពុជានៅ Takhti Stadium ទីក្រុង Tehran នៅថ្ងៃទី១២ វិច្ឆិកានេះ។គ្រូបង្វឹកដែលមានកំណើតនៅអាល្លឺម៉ង់នេះមានអាជ្ញា ប័ណ្ឌកំរិត UEFA Pro License ដោយមុននេះគាត់ធ្លាប់ធ្វើការជាមួយក្លឹប NK Zvijezda Gradacac ក្នុងក្របខណ្ឌ Bosnia and Herzegovina’s PremierLeague ។