Everton បំបែកកំណត់ត្រាដើម្បីផ្ទេរ Lukaku ពី Chelsea ក្នុងតម្លៃខ្លួន២៨លានផោន
ក្លិប Everton បានចុះហត្ថលេខាជាមួយនឹងខ្សែប្រយុទ្ធ Romelu Lukaku របស់ក្លិប Chelsea សម្រាប់តម្លៃខ្លួន២៨លាន (ស្មើនឹង៤៧,៣៦លានដុល្លារអាមេរិក) ដែលជាតម្លៃខ្លួនជាកំណត់ត្រារបស់ក្លិប។ ខ្សែប្រយុទ្ធអន្តរជាតិបែលហ្ស៊ិកវ័យ២១ឆ្នាំរូបនេះ ដែលបានស៊ុតបាល់បញ្ចូលទី១៦គ្រាប់ក្នុងពេលខ្ចីជើងលេងឲ្យ Everton កាលពីរដូវកាលមុន បានចុះហត្ថលេខារយៈពេល៥ឆ្នាំនៅឯកីឡដ្ឋាន Goodison Park។ លោក Roberto Martinez គ្រូបង្វឹករបស់ Everton បាននិយាយថា៖ «ការចុះហត្ថលេខានេះមិនមែនសំខាន់សម្រាប់តែរដូវកាលនេះឡើយ។ វាជាថ្ងៃដ៏សំខាន់មួយក្នុងប្រវត្តិសាស្ត្រនៃក្លិបកីឡាបាល់ទាត់នេះ»។
0.8% ទឹកប្រាក់បង្វិលសងវិញគ្មានដែនកំនត់សំរាប់កាស៊ីណូ
Lukaku បានចូលរួមជាមួយនឹង Chelsea ពីក្លិប Anderlecht សម្រាប់តម្លៃខ្លួន១៨លានផោន (ស្មើនឹង៣០,៤៤លានដុល្លារអាមេរិក) កាលពីខែសីហា ឆ្នាំ២០១១ ប៉ុន្តែ បានបង្ហាញខ្លួនឲ្យក្រុមតោខៀវមួយនេះត្រឹមតែ១៥លើកប៉ុណ្ណោះ។ ក្រោយពីបានចុះហត្ថលេខារបស់គេនៅកីឡដ្ឋាន Goodison កីឡាករ Lukaku បាននិយាយថា៖ «ខ្ញុំមានអាយុ២១ឆ្នាំហើយ ខ្ញុំត្រូវតែលេងក្នុងក្រុមដ៏ល្អមួយ។ ខ្ញុំចាំបាច់ត្រូវតែមានកៅអីមួយដែលខ្ញុំមានអារម្មណ៍ថា ត្រឹមត្រូវ។ ខ្ញុំបានសម្រេចចិត្តយ៉ាងរហ័ស ព្រោះខ្ញុំចង់ត្រឡប់ទៅវិញ។ នេះជាកន្លែងរបស់ខ្ញុំ»។ ការផ្ទេររបស់ Lukaku បានបំបែកកំណត់ត្រាកាលពីមុនដែលមានចំនួន១៥លានផោនសម្រាប់ការផ្ទេរ Marouane Fellaini នៅពេលដែលរូបគេបានចូលរួមជាមួយនឹងក្លិប Everton ពីក្លិប Standard Liege កាលពីឆ្នាំ២០០៨។ វាត្រូវបានគេយល់ឃើញថា Everton នឹងត្រូវចំណាយប្រាក់ក្នុងដំណាក់កាលទី១ចំនួន២៣,៧លានផោន នៅមុនពេលក្លិបនេះបានប្រកាសពីតម្លៃខ្លួន២៨លានផោន។
Chelsea ជឿជាក់ថា ការផ្ទេរនេះ នឹងធ្វើឲ្យពួកគេស្ថិតក្នុងទីតាំងដ៏រឹងមាំក្នុងការឆ្លើយតបទៅនឹងច្បាប់ប្រកួតផ្នែកហិរញ្ញវត្ថុដោយយុត្តិធម៌របស់សហព័ន្ធកីឡាបាល់ទាត់ទ្វីបអឺរ៉ុបហៅកាត់ថា UEFA។ លោក Martinez បានឲ្យដឹងថា៖ «យើងដឹងថា Romelu នៅតែជាកីឡាករវ័យក្មេងម្នាក់ ហើយសក្តានុពលដែលរូបគេមានពិតជាមានតែមួយ ហើយយើងសង្ឃឹមថា នឹងឃើញរូបគេរីករាយជាមួយនឹងកីឡាបាល់ទាត់របស់គេ ក៏ដូចជាសង្ឃឹមថា ឃើញរូបគេមានការរីកចំរើនក្នុងរយៈពេលប៉ុន្មានឆ្នាំខាងមុខទៀត។ Lukaku បានបង្ហាញពីការចាប់អារម្មណ៍ផ្សេងៗក្នុងពេលស្ថិតក្នុងវ័យ១៦ឆ្នាំជាមួយនឹងក្លិប Anderlecht ក្នុងរដូវកាលឆ្នាំ២០០៩-២០១០ ដែលនៅពេលនោះរូបគេបានស៊ុតបាល់បញ្ចូលទី១៥គ្រាប់ដើម្បីជួយឲ្យក្រុមខ្លួនឈ្នះពានរង្វាន់លីករបស់បែលហ្ស៊ិក៕
Post a Comment