Arsenal​ ត្រូវ​ជួប​ក្រុម​ Besiktas ខណៈ​ការ​ពិន័យ​ Legia​ Warsaw​ នាំ​ឲ្យ​ Celtic​ វិល​ទៅ​ជួប​ Maribor

ក្រុម​ Arsenal​ នឹង​ត្រូវ​ជួប​ជាមួយនឹង​ក្រុម​តួ​ក​គី​ Besiktas​ ហើយ​ក្រុម​ Celtic​ ត្រូវ​ប្រកួត​ជាមួយនឹង​ក្រុម​ម្ចាស់​ជើងឯក​ស្លូ​វ៉ា​គី​ Maribor​ ក្នុង​វគ្គ​ជម្រុះ​ (Playoff)​ នៃ​ក្របខ័ណ្ឌ​ Champions​ League​ នៅ​ចុងខែ​នេះ​។​ វា​មាននូវ​រឿងដ៏​មិន​នឹក​ស្មាន​ដល់​មួយ​នៅ​ប៉ុន្មាន​ចុង​ក្រោយ​ នៅ​មុន​ពេល​ការ​ចាប់ឆ្នោត​កាលពី​ថ្ងៃ​សុក្រ​ក្នុង​ទីក្រុង​ Nyon​ ដែល​នៅ​ពេល​នោះ​ក្លិប​របស់​ប៉ូ​ឡូញ​ Legia​ Warsaw​ បាន​ផ្តួល​ទទួល​ជ័យជម្នះ​ ៦-១​ លើ​ក្រុម​ Celtic​ ក្នុង​ការ​ប្រកួត​វគ្គ​ជម្រុះ​ជុំ​ទី​៣​នោះ​ ត្រូវ​បាន​លុបឈ្មោះ​ចេញ​។​ Legia​ ត្រូវ​បាន​ទម្លាក់​ឲ្យ​ទៅ​ប្រកួត​វគ្គ​ជម្រុះ​នៃ​ក្របខ័ណ្ឌ​ Europa​ League​ វិញ​ សម្រាប់​ការ​ដាក់​កីឡាករ​មិន​មាន​សិទ្ធិ​ចូល​ប្រកួត​ម្នាក់​។​ នៅ​ខណៈនោះ​ផង​ដែរ​ Arsenal​ ត្រូវ​តែ​យកឈ្នះ​លើ​ក្រុម​ Besiktas​ ដើម្បី​បង្ហាញ​ខ្លួន​​ជា​​លើក​ទី​១៧​ជាប់ៗ​គ្នា​ក្នុង​ការ​ប្រកួត​ចែក​ពូ​ល​នៃ​ក្របខ័ណ្ឌ​ Champions​ League​។​

គួរ​បញ្ជាក់​ផង​ដែរ​ថា​កាលពី​រដូវ​កាល​មុន​ ក្រុម​កាំភ្លើង​មួយ​នេះ​បាន​ផ្តួល​ក្រុម​របស់​តួ​ក​គី​មួយ​ផ្សេង​ទៀត​ Fenerbahce​ ដើម្បី​ឈាន​ទៅ​ប្រកួត​វគ្គ​១៦​ក្រុម​ចុង​ក្រោយ​ ខណៈ​ក្រុម​របស់​លោក​ Arsene​ Wenger​ ត្រូវ​ធ្លាក់​ចេញ​នៅ​ពេល​ជួប​ក្រុម​ Bayern​ Munich​។​ ក្នុង​ការ​ប្រកួត​វគ្គ​ជម្រុះ​ផ្សេង​ទៀត​ ក្រុម​ Lille​ នឹង​ជួប​ជាមួយនឹង​ក្រុម​ម្ចាស់​ជើងឯក​ឆ្នាំ​២០០៤​ FC​ Porto​ ខណៈ​ដែល​ក្រុម​ Napoli​ ត្រូវ​ជួប​ជាមួយនឹង​ក្រុម​ against​ Athletic​ Bilbao​ ហើយ​ Bayer​ Leverkusen​ នឹង​ត្រូវ​ប៉ះ​ជាមួយ​ FC​ Copenhagen​។​ ការ​ប្រកួត​ជើង​ទី​១​នឹង​ត្រូវ​រៀបចំ​ឡើង​នា​ថ្ងៃ​ទី​១៩​ និង​២០​ ខែសីហា​ ខណៈ​ដែល​ការ​ប្រកួត​ជើង​ទី​២​ នឹង​ត្រូវ​ប្រព្រឹត្ត​ទៅ​នា​ថ្ងៃ​ទី​២៦​ និង​ទី​២៧​។​ ក្រុម​ដែល​ឈ្នះ​ចំនួន​១០​ក្រុម​នឹង​ចូលរួម​ជាមួយនឹង​ក្រុម​ចំនួន​២២​ដែល​បាន​ឈាន​ទៅ​ប្រកួត​ជា​ស្វ័យប្រវត្តិ​ក្នុង​វគ្គ​ចែក​ពូ​ល​ ដែល​នឹង​ចាប់ផ្តើម​ប្រកួត​នៅ​ក្នុង​ខែកញ្ញា​៕​

​ការ​ចាប់​ឆ្នោ​ប្រកួត​វគ្គ​ជម្រុះ​នៃ​ Champions​ League៖

Maribor​ (​ស្លូ​វេ​នី​)​ v​ Celtic​ (​ស្កុ​ត​ឡេ​ន​)
Salzburg​ (​អូ​ទ្រី​ស​)​ v​ Malmo​ (​ស្វ៊ី​ស​)
Aalborg​ (​ដា​ណឺ​ម៉ាក​)​ v​ APOEL​ (​ស៊ី​ប​)
Steaua​ Bucharest​ (​រ៉ូ​ម៉ា​នី​)​ v​ Ludogorets​ (​ប៊ុល​ហ្គា​រី​)
Slovan​ Bratislava​ (​ស្លូ​វ៉ា​គី​)​ v​ BATE​ (​បេឡា​រុស​)
Besiktas​ (​តួ​ក​គី​)​ v​ Arsenal​ (​អង់គ្លេស​)
Standard​ Liege​ (​បែ​ល​ហ្ស៊ិ​ក​)​ v​ Zenit​ St​ Petersburg​ (​រុ​ស្ស៊ី​)
FC​ Copenhagen​ (​ដា​ណឺ​ម៉ាក​)​ v​ Bayer​ Leverkusen(​អា​ល្លឺ​ម៉​ង់​)
Lille​ (​បារាំង​)​ v​ FC​ Porto(​ព័រ​ទុ​យ​ហ្គា​ល់​)
Napoli​ (​អ៊ី​តា​លី​)​ v​ Athletic​ Bilbao​ (​អេ​ស្ប៉ា​ញ​)​