Adidas ប្រជែងជាមួយ Nike ក្នុងការទទួលបានសិទ្ធិជាអ្នកផ្គត់ផ្គង់ឯកសណ្ឋានថ្មីសម្រាប់ក្លឹប Manchester United ចាប់ពីរដូវកាល ២០១៥/១៦

Adidas ត្រូវបានគេស្គាល់ថាជាក្រុមហ៊ុនផលិតសម្លៀកបំពាក់ និងសម្ភារៈកីឡា ដ៏ធំរបស់ប្រទេសអាឡឺម៉ង់ ពេលនេះកំពុងប្រជែងជាមួយនឹងក្រុមហ៊ុន Nike របស់អាមេរិក ក្នុងការទទួលបានសិទ្ធិជាអ្នកផ្គត់ផ្គង់ឯកសណ្ឋានថ្មី សម្រាប់ក្លឹប Manchester United ចាប់ពីរដូវកាល ២០១៥/១៦ តទៅ។ Adidas គ្រោងនឹងចំណាយ ៦០ លានផោនសម្រាប់រយៈពេលមួយឆ្នាំឲ្យទៅក្លឹប Man Utd ដែលជាតម្លៃមួយខ្ពស់បំផុតមិនធ្លាប់មានពីមុនមកក្នុងប្រវត្តិ សាស្ត្រ។

manchester_united_2014_15_adidas_kit_20140217_1386793169

manchester_united_2014_15_adidas_kit_20140217_1386793169

ឈុតស្រមើរស្រម៉ៃសម្រាប់ Man Utd ប្រសិនបើឈានដល់កិច្ចព្រមព្រៀងជាមួយ Adidas

ស្របពេលដែកលកិច្ចសន្យាទទួលបានសិទ្ធិជាអ្នកផ្គត់ផ្គង់ឯក សណ្ឋានថ្មី របស់ក្លឹប Manchester United ជាមួយនឹងក្រុមហ៊ុនផលិតសម្លៀកបំពាក់ និងសម្ភារៈកីឡា Nike របស់អាមេរិក នឹងត្រូវបញ្ចប់នៅដំណាច់ខែមិថុនា ឆ្នាំ ២០១៥ ខាងមុខនោះ ក្រុមហ៊ុនផលិតសម្លៀកបំពាក់ និងសម្ភារៈកីឡា ដ៏ធំរបស់ប្រទេសអាឡឺម៉ង់ Adidas គ្រោងនឹងចំណាយ ៦០ លានផោនសម្រាប់រយៈពេលមួយឆ្នាំឲ្យទៅក្លឹប Man Utd ដែលជាតម្លៃមួយខ្ពស់បំផុតមិនធ្លាប់មានពីមុនមកក្នុងប្រវត្តិ សាស្ត្រ ខណៈពេលដែលកិច្ចសន្យាបច្ចុប្បន្នរបស់ Man Utd និង Nike មានតម្លៃត្រឹមតែ ៣០០ លានផោនសម្រាប់រយៈពេល ១០ ឆ្នាំ ប៉ុណ្ណោះ។
Man Utd Kit 2013-14

ឈុតឯកសណ្ឋានរបស់ក្លឹប Manchester United រដូវកាល ២០១៣/១៤ (NIKE)

យោងតាមសេចក្ដីរាយការណ៍របស់ dailymail.co.uk បានឲ្យដឹងថា ក្នុងជំនួបមួយរវាងថ្នាក់ដឹកនាំក្លឹប Manchester United និងតំណាងក្រុមហ៊ុន Adidas នៅក្នុងប្រទេសអាឡឺម៉ង់កាលពីពេលថ្មីៗនេះ ក្លឹប Manchester United បានឈានដល់កិច្ចព្រមព្រៀងជាមួយនឹងក្រុមហ៊ុន Adidas ហើយក្នុងតម្លៃ ៦០ លានផោនសម្រាប់រយៈពេលមួយឆ្នាំ ក្នុងការទទួលបានសិទ្ធិផ្ដាច់មុខផ្គត់ផ្គង់ឯកសណ្ឋានថ្មីសម្រាប់ ក្លឹប ប៉ុន្ដែនៅមិនទាន់មានការចុះហត្ថលេខាជាផ្លូវការនៅឡើយ។
Adidas Man Utd Leak

ឈុតស្រមើរស្រម៉ៃសម្រាប់ Man Utd ប្រសិនបើឈានដល់កិច្ចព្រមព្រៀងជាមួយ Adidas

ទោះជាយ៉ាងណាក៏ដោយក្លឹប Manchester United បានព្យាយាមពិភាក្សាជាមួយនឹងក្រុមហ៊ុនផ្គត់ផ្គង់ឯកសណ្ឋានបច្ចុ ប្បន្ន (Nike) អស់រយៈពេល ៣ ឆ្នាំមកហើយ ប៉ុន្ដែនៅពេលដែលការចារចារនោះត្រូវបានផុតកំណត់កាលពីរដូវស្លឹក ឈើជ្រុះកន្លងទៅនេះ បានបើកផ្លូវឲ្យក្រុមហ៊ុនធំៗមួយចំនួនដូចជា Adidas និង Warrior …ជាដើម ក្នុងការប្រជែងយកសិទ្ធិនេះ។
Nike Man Utd 2014-15

ឈុតស្រមើរស្រម៉ៃសម្រាប់ Manchester United សម្រាប់រដូវកាល ២០១៤/១៥ (NIKE)

លោក Ed Woodward អនុប្រធានប្រតិបត្តិ និងលោក Richard Arnold នាយកផ្នែកពាណិជ្ជកម្ម របស់ក្លឹប Manchester United បានឲ្យដឹងថា ក្លឹបត្រូវការចុះកិច្ចសន្យាជាមួយក្រុមហ៊ុកផ្គត់ផ្គង់ឯក សណ្ឋានថ្មីណាមួយឲ្យបានឆាប់បំផុតតាមអ្វីដែលអាចធ្វើទៅបាន ជាជាងការបណ្ដែតបណ្ដាយឲ្យនៅមានការយឺតយ៉ាវ ព្រោះថាតម្រូវការរបស់អ្នកគាំទ្រក្នុងការទិញឯកសណ្ឋានរបស់ក្លឹប មានការកើនឡើងខ្ពស់៕ DC
Leaked-Man-United