ជោគជ័យធំធេងក្រោមការដឹកនាំលើកទី១ របស់ Ryan Giggs (មាន Video)

ការប្រកួតយប់មិញរវាង Manchester United និង Norwich City ដែលជាការប្រកួតលើកទី១ របស់ក្រុម Man Utd ក្រោមការដឹកនាំរបស់កីឡាករ Ryan Giggs ដោយមានជំនួយពីអតីសមាជិក Class of 1992 ដូចជា Paul Scholes, Nicky Butt និង Phil Neville បន្ទាប់ពីលោក David Moyes ត្រូវបានបណ្ដេញចេញពីតំណែងកាលពីដើមសប្ដាហ៍នេះ។

ការប្រកួតដ៏ជក់ចិត្តមួយនេះ បានបញ្ជប់ទៅដោយលទ្ធផល ម្ចាស់ផ្ទះ Manchester United យកឈ្នះលើ Norwich City ៤ ទល់នឹង ០ នេះជាសញ្ញាវិជ្ជមានមួយសម្រាប់ការដឹកនាំរបស់ Ryan Giggs។
ក្រោមការដឹកនាំរាបស់ Giggs កាលបីយប់មិញម្ចាស់ផ្ទះមានសាច់បាល់គ្រប់លើក្រុមភ្ញៀវយ៉ាងខ្លាំង ពោលគឺ ៦១% ទល់នឹង ៣៩% ហើយម្ចាស់ផ្ទះមានឱកាសស៊ុតបាល់រហូតដល់ ២៥ លើក ក្នុងនោះ ១១ លើកចំគោលដៃ ៨ លើកខុសគោលដៃ និង ៦ លើកផ្សេងទៀតត្រូវបានរារាំងដោយខ្សែ ការពារ។ ចំណែកឯខាង Norwich វិញក៏មានឱកាសស៊ុតសំដៅទី Man Utd ៩ លើកផងដែរ ដែលក្នុងនោះមានតែ ២ លើកប៉ុណ្ណោះដែលចំគោលដៃ ខណៈដែល ៣ លើកផ្សេងទៀតត្រូវបានរារាំងដោយខ្សែការពារ និង ៤ លើកផ្សេងទៀរស៊ុតមិនចំគោលដៅ។

គ្រាប់បាល់ ៤ គ្រាប់របស់ Manchester United រកបានដោយកីឡាករ Wanney Rooney ២ តែម្នាក់ឯង គ្រាប់នៅនាទី ៤១ ដោយបាល់ពិន័យ ១១ ម៉ែត្រ និង នៅនាទី ៤៨ មួួយគ្រាប់ទៀត ដោយបានទាត់ផុតដៃអ្នកចាំទី Ruddy របស់ Norwuch City បានយ៉ាងល្អ។ ចំណែកគ្រាប់បាល់ពីរគ្រាប់ទៀតរកបានដោយកីឡាករ Jaun Mata ដែលទើបនឹងដូរចូលជំនួសកីឡាករ Danny Welback នៅនាទី ៦៣ និង នៅនាទី ៧៣។
Juan-Mata-Man-United

យោងតាមសេចក្ដីរាយការណ៍របស់ Goal.com កាលពីម្សិលមិញបានឲ្យដឹងថាក្លឹបបានឈានដល់កិច្ចព្រមព្រៀងជា មួយលោក Louis van Gaal ជាគ្រូបង្វឹកក្រុមជម្រើសជាតិហូឡង់ និងជាអតីតគ្រូបង្វឹកក្រុម Ajax, Real Madrid និងBayern Munich ជាដើម ប៉ុន្ដែនៅមិនទាន់ឈានដល់ការចុះកិច្ចសន្យាជាផ្លូវការនៅឡើយ។

ទោះជាយ៉ាងណាក៏ដោយ Ryan Giggs និងអតីតសមាជិក Class of 1992 នឹងបន្ដដឹកនាំក្លឹបមួយនេះត្រឹមចប់រដូវកាលនេះប៉ុណ្ណោះ ហើយពេលនេះក្លឹបកំពុងតែសម្លឹងមើលគ្រូបង្វឹកថ្មី ដែលនឹងត្រូវតែងតាំងជាផ្លូវកាលនៅពេលខាងមុខនេះ។